Wasiirka amniga gudaha Soomaaliya oo la kulmay wasiirka arrimaha gudaha Masar+Sawirro

0
2526

Wasiirka arimaha gudaha ee dalka  Masar Magdy Abdel Ghaafar ayaa xafiiskiisa magaalada Qaahira  ku qaabiley wasiirka amniga gudaha ee Soomaaliya ayagoo ka wada hadlay arimaha la dagaalanka argagaxisada sida ay soo warisay majalada Al-Ahram ee dalkaasi ka soo baxda.

Mudane C/rasaaq Cumar Maxamed wasiirka amniga gudaha ayaa wasiirka arrimaha gudaha Masar u muujiyay sida  laamaha amniga ee Soomaaliya ay ugu faa’ideysan karaan khibrada ay leeyihiin kuwa dalka Masar.

Labada dal Soomaaliya iyo Masar ayaa dagaal kula jira maleeshiyaad maxali ah oo aaminsan afkaarta argagaxisnimada kuwaasoo dhibaatooyin xooggan ku haya shacabka labada dal.

Taliyaha ciidanka Booliiska Soomaaliyeed Jeneraal Maxamed Sheekh Xasan Xaamuud oo ka mid ah wafdiga wasiirka ayaa la kulmay dhiggiisa dalka Masar iyagoo ka wada hadlay sidii ay labada ciidan isaga kaashan lahaayeen sugidda amniga iyo la dagaallanka argagixisada

Masar ayaa dagaal kula jirta muddo 10 sano ku dhow maleeshiyaad ka soo horjeeda xukuumadda dalkaasi ka aramisa kuwaas oo ka dagaalama waqooyiga jasiirada Siinaa, waxaana dagaalkaasi uu xoogeystay labadii sano ee la soo dhaafay markii ay ciidanka dalka Masar ay afgembiyeen madaxweynihii dalkaasi Maxamed Mursi.

 

2b100ddb-a462-4151-9e7e-1511eaa2f6d2 2c122c03-3ffa-4240-82c1-faedee395e7b 7b30ff7e-3556-482a-a34b-72425e08a47a 7e219933-b47e-4d59-9e90-fee500c7eb4f 8e78ea6f-d94d-4add-8b7f-3696c7bbd3db 58ffd368-7022-432e-b080-4d61c44c8f6f 82ffd51c-fd76-4dca-9481-a83068b58e8a 206f606f-6fb6-4177-b02f-1c738e01975b 9342399c-a669-4f1c-88e7-e4276ec38c37 b5e470d4-0e4f-4211-a4e1-c1fa931b77fc badcc884-38d8-47f7-bbdd-f3308f4c20ad c311ecd0-fbc0-44db-9dea-f48201bf6edb d683ac23-38d4-44c0-827d-13e31413d85c ee6cc2ff-9ddf-45d1-bed0-0ca78067ea19

Did you like this? Share it:

LEAVE A REPLY

Please enter your comment!
Please enter your name here