Wasiirka Amniga oo ka Dalbaday Barlamaanka in ay meel Mariyaan Sharciga La Dagaallanka Argagixisada

Wasiirka Amniga Gudaha Xukuumadda Soomaaliya ayaa ka hadlay faa’iidada uu Amni ahaan dalka u leeyahay sharciga la Dagaallanka Argagixisada oo ay soo diyaarisay Wasaaradda Amniga isla markaana la Horgeeyay Baarlamaanka Soomaaliya.

Wasiirka Amniga Gudaha Xukuumadda Federaalka Soomaliya Cabdirisaaq Maxamed Cumar oo shalay ka hor hadlayay Baarlamanka  ayaa sheegay in muhiim ay u tahay qof walba meel Marinta Sharcigaan isla markaana xalwaara loo helidoono Xasilinta Amniga Soomaaliya.

“Qofka marka uu Ogyahay in uu sharci jiro ciqaab adagna ay ka horrayso qofkaas waa uu baqanayaa waxa uuna ogaanayaa in Ciqaab adag ay ka horrayso dambigaasna waa uu ka leexanayaa” ayuu yiri Wasiir Cabdirisaaq

Dhanka kale Wasiirka Amniga Gudaha ayaa ka codsaday Barlamaanka inay meel mariyaan Sharciga la Dagaallanka Argagixisada si qof walba uu uga baqdo nidaamka sharcigaan uu leeyahay,  isla markaana looga hortago cidkasta oo sharcigaan ku xadgudubta.

“kooxda shabaab horay waxa ay u weerareen Goobo muhiim ah sida Wasaaradda Hidaha iyo Tacliinta sare, Aqalka Madaxtooyada, Xarunta Baarlamaanka iyo meelo kale oo muhiim ah,  marka haddii aanan dadka Nuucaas ah u helin sharci aan kula Dagaallanno  ama naga qabta Magaranayo waxa ay Dowladdnimadu tahay Baarlamaanka waxaa ka dalbanayaa inay ansixiyaan Sharcigaan” Ayuu yiri Wasiirka Amniga Gudaha.

 

 

LEAVE A REPLY

Please enter your comment!
Please enter your name here