Wasiirka Amniga oo kiiska dilka Guddoomiyihii degmada Hodan ku wareejiyey Xeer ilaaliyaha Maxlamadda CQS “SAWIRRO”

Guddiga Ra’iisul Wasaaraha Soomaaliya mudane Maxamed Xuseen Rooble u xil saaray baarista kiiska dilkii Guddoomiyihii hore ee Degmada Hodan Allaha u naxariistee Marxuum Cabdikariin Cabdiraxmaan Ciise Dhagajuun ayaa maanta kulan ku yeeshay magaalada Muqdisho.

Kulanka oo uu shir guddoominayay Wasiirka Amniga Xukuumadda Federaalka Soomaaliya Ahna Guddoomiyha Guddiga Mudane Xasan Xundubey Jimcaale ayaa waxaa ka qeyb galay guddoomiye ku-xigeenka Amnig iyo Siyaasadda Gobolka Banaadir Cali Cabdi Wardheere (Cali Yare) oo guddiga la garab taagnaa taageero si looga guul gaaro kiiska, xeer ilaaliyaha maxkamadda ciidamada qalabka sida, Xubnaha Guddiga iyo qoyska Marxuumka.

Wasiirka Amniga Xukuumadda Federaalka Soomaaliya mudane Xasan Xundubey Jimcaale oo galka baarista ay guddigu sameeyeen ku wareejiyay xeer ilaalinta Maxkamadda ciidamada Qalabka sida ayaa garsoorka ka rajeeyay iney waafajiyaan sharciga.

Guddoomiye ku-xigeenka Amniga iyo siyaasadda Gobolka Banaadir Cali Cabdi Wardheere ayaa guddiga uga mahadceliyay sida ay isaga xil saareen baarista iyo dabagalka kiiskan.

Wasiirka Amniga Gudaha Mudane Xasan Xundubey Jimcaale ayaa uga mahadceliyay Ra’iisul Wasaaraha dalka dadaalka uu ku bixiyay in guddigu sameeyo baarista kiiska, isagoo sidoo kale qoyska Marxuumka ku amaanay dulqaadka ay muujiyeen.

 

 

LEAVE A REPLY

Please enter your comment!
Please enter your name here