Wasiirka Amniga oo magacaabay guddi ka soo talo bixiya tayaynta booliska

1736

Xaflad lagusoo gaba gabeynayay shirkii looga hadlayay tayeynta qaabdhsimeedka ciidanka Booliska Soomaaliyeed ee ka socday magaalada Muqdisho 3-dii maalin ee lasoo dhaafay ayaa lagu qabtay kuliyadda tabbaarka ciidanka Booliska Jeneral Kaahiye, iyadoo halkaasi ay goobjoog ka ahaayeen Wasiirka Amniga gudaha Soomaaliya,Taliyaha Ciidanka Boolsika Soomaaliyeed iyo mas’uuliyiin ka kala socday Wasaaradaha Amniga Maamul Goboleedyada, mas’uuliyiin ka socday gobollada Shabeellaha Dhexe iyo Hiiraan iyo khubaro dhanka sharciga ah.

Intii uu shirka socday ayaa waxaa le’isku raacay in Boolsika Heer Qaran iyo kuwa maamul goboleedyada ay si dhow u wada shaqeeyaan, iyadoo Wasiirka amniguna uu magacaabay Guddi arintaasi ka shaqeyn doona.

Taliyaha Ciidanka Booliska Soomaaliyeed Sareeya Gaas Maxamed Sheekh Xasan Xaamud oo halkaasi ka hadlay ayaa sheegay inay wdaaan dadaallo dib u habeyn loogu sameynayo ciidanka Booliska, isla markaana kor loogu qaadayo tababbarada Booliska la siinayo.

Wasiirka Amniga gudaha Somaaaliya mudane Cabdirisaaq Cumar Maxamed ayaa halkaasi ka sheegay in guddiga uu magacaabay ay ka kooban yihiin Wasaaradda Amniga Federaalka, xubno ka socda Maamul Goboleedyada iyo Sharciyaqaano, isagoo xusay in looga fadhiyo inay ka soo tala bixiyaan howlaha Booliska.

 

Did you like this? Share it:

LEAVE A REPLY

Please enter your comment!
Please enter your name here