Wasiirka Arrimaha Dibadda ee Shiinaha oo booqanaya Kuuriyada Waqooyi

0
624

Wasiirka Arrimaha Dibadda ee Shiinaha Wang Yi ayaa booqan doona Kuuriyada Waqooyi toddobaadkan, ka dib markii ay wadahadal taariikhi ah galeen Kuuriyada Koonfureed iyo Kuuriyada Waqooyi Jimcihii.

Safarkan ayaa imaanaya iyadoo ay sare u sii kacayso dhaqdhaqaaqyada dublamaasiyadeed, wixii ka dambeeyay maalinkii taarikhiga ah ee gacanka.

Shiinaha ayaa ah dalka kali ah ee iskaashi dhanka ganacsiga ah la leh Kuuriyada Waqooyi, laakiin booqashadan ayaa noqon doonta midii ugu heer sarraysay muddo sannado ah.

Hogaamiyaha Kuuriyada Waqooyi Kim Jong-un ayaa la filayaa in uu la kulmo madaxweynaha Maraykanka Donald Trump toddobaadyada soo socda.

Kuuriyada Koonfureed ayaa horay u la hadashay madaxweynaha Maraykanka iyo kan Japan.

Dawladda Shiinaha ayaa sheegtay in booqashada Wasiirka Arrimaha Dibadda ee Arbacada iyo Khamiista ay ku tumid casuumaad uu ka helay Kuuriyada Waqooyi.

Bishii Maarso ayuu Kim booqasho layaableh ku tagay magaalada Beijing ee dalka Shiinaha si uu ula kulmo madaxweyne Xi Jinping, kaas oo ahayd booqashadiisii koobad ee dalka dibaddiisa ah tan iyo markii uu xilka la wareegay, taas oo hoosta ka xariiqday ahmiyadda uu xiriirka Shiinuhu u leeyahay Kuuriyada Waqooyi.

Xigaasho BBC

Did you like this? Share it:

LEAVE A REPLY

Please enter your comment!
Please enter your name here