Wasiirka Arrimaha Dibadda oo la kulmay ardayda iyo Jaaliyadda Soomaaliyeed ee ku nool Suudaan “SAWIRRO”

0
1283

Munaasabad si heer sara loo agaasimay oo uu Wasiirka Arrimaha Dibadda iyo Iskaashiga Caalamiga ah ee Xukuumadda Fedaraalka Soomaaliya Mudane Axmed Ciise Cawad kula hadlayay Ardayda Soomaaliyeed ee wax ka barata Jaamacadaha Dalka Suudaan ayaa waxaa ka soo qeyb galay Jaaliyadda, Ardayda, Salaadiin, Madaxda Ururka Ardayda Soomaaliyeed iyo waliba Diblomaasiinta Safaaradda Soomaaliya ee Dalka Suudaan, iyadoo ay soo qabanqaabiyeen Munaasabadda Ururka Ardayda Soomaaliyeed ee ku mideysan Jaamacadda Afrika.

Ugu horeyn inta aysan bilaaban munaasabadda ayaa Wasiirka iyo wafdigiisa waxaa goobta ku soo dhaweyay Guddoomiyaha Jaaliyadda Soomaaliyeed ee Dalka Suudaan Cabdiwali Xasan Xuseen iyo Fiidwo Maxamuud Fiidow oo ah Uqeybsanaha Warfaafinta Safaaradda.

Dhanka kale Wasiirka Arrimaha Dibadda iyo Iskaashiga Caalamiga ah ee Xukuumadda Federaalka Soomaaliya Mudane Axmed Ciise Cawad oo khudbad dheer ka jeediyay goobta ayaa ardayda ugu warbixiyay xaalka Dalka uu marayo iyo horumarka ay ku tilaabsatay Dowladda Soomaaliya, asigoo Ardayda Soomaaliyeed kula dardaarmay inay sii wadaan dadaalkooda waxbarasho oo ay ka gun gaaraan hadafka ay ka leeyihiin waxbarashada.

Mudane Axmed Ciise Cawad Wasiirka Arrimaha Dibadda Soomaaliya ayaa la filayaa inuu maanta soo gabagabeeya booqasho 4-maalin qaadatay oo uu ku joogay Dalka Suudaan.

 

 

Did you like this? Share it:

LEAVE A REPLY

Please enter your comment!
Please enter your name here