Wasiirka Arrimaha gudaha oo kormeeray hoolka loogu talagalay shirka Maamul u sameynta G/Dhexe

1761

Wasiirka arrimaha Gudaha iyo Federaalka ee Xukuumadda Soomaaliya Mudane Cabdiraxmaan Maxamed Xuseen (Odowaa) oo ku sugan magaalada Cadaado ee Gobalka Galgaduud ayaa kormeer uu ugu kuur galayey xaaladda amni ku tegay qeybo ka mid ah magaalada Cadaado.

Wasiirka oo uu wehliyo Madaxweynaha Maamulka Ximan iyo Xeeb ayaa kormeeray xarunta loogu talagalay in lagu qabto shirka maamul u sameynta Gobollada Mudug iyo Galgaduud iyo meelo kale oo ka mid ah magaalada Cadaado.

Madaxweynaha Maamulka Ximan iyo Xeeb Cabdullaahi Cali Maxamed Baarleex ayaa Wasiirka uga warbixiyay xarunta oo uu sheegay intahay qeyb ka mid ah halka loogu talagalay in ay ku shiraan ergada ka qeyb qaadaneysa dhismaha maamulka Gobollada dhexe ee dalka.

“Xarunta aad arkeyso Wasiir waxa ay ka koobantahay labo hool, Masjid lagu cibaadeysto, goobo ay dadku ku shaahiyeyn karaan iyo mid kale oo ay ku jimicsan karaan, sida garoonka kubadda cagta lagu cayaaro,  dadka deegaanka ayaa isku howlay in Walaalahood ay wax la qeybsadaan oo ay ka shaqeeyaan dhismaha Maamulka, ,” ayuu yiri Cabdullaahi Baarleex.

Wasiirka Arrimaha gudaha iyo Federaalka Mudane Cabdiraxmaan Maxamed Xuseen (Odowaa) ayaa tilmaamay in xarunta ay tahay mid si weyn looga shaqeeyay in ergooyinka ay degaan, isla markaana shirka lagu qabto.

“Waxaa ii suura gashay in aan kormeer ku sameeyo goobaha ay ergadu degayaan, Hoeteelada laga hirgeliyay magaalada iyo xarunta shirka loogu talagalay in lagu qabto, runtii halkaan diyaar garow fiican ayaa iiga muuqda, sidoo kale waxaa halkaan laga hirgeliyay goobo loogu talagalay in lagu xaliyo khilaafaadyada, inta uu shirka socdo” ayuu yiri Wasiirka Arrimaha gudaha.

Wasiirka waxa uu sidoo kale kormeeray goobaha ganacsiga ee magaalada, halkaasi oo uu ka dukaameystay, isagoo mid mid u xogwareystay xaaladaha amni iyo tan ganacsi ee ka jirta magaalada Cadaado ee gobolka Galgaduud.

 

??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ???????????????????????????????

Sawir Qaade:-Maxamuud Cabdi Diirshe 

 

Did you like this? Share it:

LEAVE A REPLY

Please enter your comment!
Please enter your name here