Wasiirka arrimaha gudaha oo kormeeray qaar ka mid ah xarumaha danta guud ee Cadaado “Sawirro”

0
2001

 

Wasiirka arrimaha gudaha iyo federaalka xukuumadda Soomaaliya Mudane C/raxmaan Maxamed Xuseen Odawaa ayaa waxaa uu kormeeray xaruumaha danta guud ee magaalada Cadaado, waxaana kormeerkiisa ku wehlinayay mas’uuliyiin ka tirsan maamulka Ximan iyo Xeeb, iyagoo kormeerkooda ka bilaabay Iskuulka sare ee Iftiin, halkaas oo ardaydu ay ku jireen waxbarashadooda, waxaana wasiirku ku dhiiragaliyay ardayda in ay hami sare yeeshaan.

Sidoo kale wasiirka iyo mas’uuliyiinta kale ee la socotay ayaa kormeeray xarunta Kafaalo oo ay ku shaqeynayaan Odayaasha dhaqanka ee Ergada shirka soo xulaya, waxaana Guddiga farsamada iyo Odayaashuba gudagaleen diyaarinta wajiga 2-aad ee shirka.

Xaliimo Ismaaciil Gudoomiyaha Guddiga farsamada ayaa sheegtay in ay maanta Odayaasha u qeybiyeen qorshaha ay ku soo xulayaan Ergada dhawaana ay rajeynayaan in ay howshaasi dhamaato.

Nabadoon Maxamed Xasan Xaad oo ka mid ah Odayaasha dhaqanka Soomaaliyeed ayaa isna ka hadlay howsha hortaal ee ah diyaarinta Ergada.

“Maanta waxaa nala soo hordhigay, shuruudihii ergada, iyo sida ay Beeluhu u kala yeelanayaan” ayuu yiri Nabadoon Xaad.

Wasiirka arrimaha gudaha iyo Federaalka xukuumadda Soomaaliya Mudane C/raxmaan Maxamed Xuseen Odawaa ayaa talaabo wanaagsan ku tilmaamay in maanta lagu dagalay diyaarinta Ergada shirka Cadaado.

“Wajigii Odayaasha dhaqanka waa soo gaba-gabeynay, waxaa la idiin soo gudbiyay ergadii, waxaa la idiin soo gudbin doonaa Baarlamaanka, waxaan rabaa inaan idiin sheego tirada ergada iyo Baarlamaanka, waxaa laga doodayay muddo ku dhow hal sano, waxaana ka doodayay xildhibaanada Qaranka iyo wasiirada matala gobolada Dhexe” ayuu yiri wasiir C/raxmaan.

Wafdiga wasiirka oo maalmahan ku sugnaa magaalada Cadaado ayaa wadatashi la yeelanaya bulshada iyo mas’uuliyiinta deegaanka.

DSC04401 DSC04402 DSC04403 DSC04405 DSC04407 DSC04412 DSC04413 DSC04414 DSC04417 DSC04419 DSC04420

Sawir Qaade:- Maxamed Cabdi Diirshe

Did you like this? Share it:

LEAVE A REPLY

Please enter your comment!
Please enter your name here