Wasiirka Arrimaha Gudaha Oo sheegay In Aysan Aqbaleynin Darbiga Kenya Ay Ka Dhiseyso Xuduuda Soomaaliya Iyo Kenya

1605

Wasiirka Arrimaha Gudaha iyo Federaalka C/raxmaan Maxamed Xuseen Odawaa oo la hadlay Radio Muqdisho ayaa sheegay in Dowladda marnaba aysan aqbali doonin gidaarka la sheegay in xuduuda dalkeena uu la wadaago  Kenya ay ka dhiseyso, taasi uu sheegay in qalad ay tahay.

Wasiirka ayaa sheegay in arrintani dowlada Kenya Ra’siul wasaaraha uu kala hadlay arrintani laakiin hadda ay soo cusboonaatay, wuxuuna dadka Soomaaliyeed uu u sheegay in Dowladda Soomaaliya mowqifkeeda uu cadyahay marna aysan raali ka eheyn darbigaasi.

“Dowladda mowifkeeda waa cad yahay, darbigaas ay Kenya rabto inay xuduuda ka dhisto nagalama tashan, mana ogolin, dhowaan Wafdi Ra’iisul Wasaaraha hogaaminayay oo Kenya tagay, anigana aan la socday waa kala hadalnay dowladda Kenya arrintaas, waxay noo sheegeen in aysan jirin”ayuu yiri Wasiir Odawaa.

Sidoo kale Wasiirka ayaa sheegay in markii ay arrintan dib u soo cuboonaatay maalin ka hor uu Ra’iisul Wasaare kuxigeenka u yeeray Safiirka Kenya u fadhiya Soomaaliya, isla markaana loo gudbiyay cabasho, ayna ka sugayaan Jawaab.

Baarlamaanka Federaalka ah ee Soomaaliya ayaa si adag uga soo horjeestay qorshaha ay dowladda Kenya ku dooneyso in darbi ay ka dhisto xuduuda, iyadoo shalay gudiyada joogtada ah ee Baarlamaanka kulan Muqdisho ay ku yeesheen si aad ah ay kaga hadleen qadiyadani.

Did you like this? Share it:

LEAVE A REPLY

Please enter your comment!
Please enter your name here