Wasiirka beeraha oo ku baaqay in gacan laga geysto sidii biyo xireen loogu sameyn lahaa webiga Shabeelle

1540

Wasiirka Beeraha Xukuumadda Soomaaliya ayaa sheegay in dowladda ay dadaal ugu jirto ka hortagga fatahaad uu sameeyo Webiga Shabeelle, isla markaana la sameyn doono meelo biyo xireen ah, Isagoo dhanka kale baaq u jeediyay beeraleyda Soomaaliyeed.

Axmed Xasan Gaboobe (Ugaas Bile) Wasiirka beeraha ee xukuumadda Soomaaliya oo la hadlay Warbaahinta Qaranka ayaa sheegay in xukuumadda ay dadaal ugu jirto sidii biyo xireen loogu sameyn lahaa webiga Shabeele oo hadda meelo qaar fatahaad ka geystay, isagoo bulshada qeybaheeda kala duwan ka codsaday in gacan laga geysto sidii webiga

“Waxaan ka codsaneynaa bulshada Soomaaliyeed inay isku tashadaan oo ay gacan ka geystaan sidii looga hortagi lahaa fatahaadda webiga shabeelle oo biyo xireenno loo sameyn lahaa, waan ognahay in meelo badan uu iminka ka soo jabsaday biyaha, maamulka Gobolka Shabeelaha dhexe waxaan uga mahadcelinayaa dadaalka ay arrintaasi ugu jiraan, marka aan u istaagno sidii webiga Shabeelle uusan u sameyn lahayn fatahaad” ayuu yiri Wasiirka Beeraha Soomaaliya.

Wasiirka Beeraha ayaa tilmaamay in uu yaraaday wax soo saarka dalagga, waxaana uuu ganacsatada ugu baaqay in ay ku dadaalaan sidii wax soo saarka dalagga xoogga loo saari lahaa, oo aan lagu mashquulin waxyaabaha dalka dibadiisa loo dhoofinayo.

“Si sinta iyo Liinta waa loo baahanyahay, waana kuwa la dhoofiyo, laakiin waxaan rabnaa in ganacsatada ay sidoo kale ku dadaaalaan waxyaabaha lagama maar maanka u ah bulshada inay beeraan, lana dhiirigeliyo dadka beeraleyda ah” ayuu hadalkiisa ku daray Wasiirka beeraha.

 

 

Did you like this? Share it:

LEAVE A REPLY

Please enter your comment!
Please enter your name here