Wasiirka Beeraha Soomaaliya oo dhigiisa dalka Qatar kala hadlay iskaashiga dhanka beeraha ee labada dal “SAWIRRO”

Wasiirka Beeraha iyo Waraabka Soomaaliya Mudane Saciid Xuseen Ciid oo howlo shaqo u tegay magaalada Doha ee dalka Qatar ayaa halkaasi waxaa si weyn ugu soo dhaweeyay mas’uuliyiin kala duwan oo uu ka mid ahaa Wasiirka dowladaha Hoose deeganka iyo beeraha ee dalka Qatar Cabdullahi bin Abdulaziz bin Turki.

 

Labada Wasiir ayaa ka wada hadlay dhowr qodob oo ay ka mid ahaayeen xoojinta iskaashiga labada dal ee dhinacyada wax soosaarka beeraha, badbaadada  iyo horumarinta  Cuntada, dar dargelinta heshiisyadii dhexmaray labada doowladood iyo  sidii dalka Qatar loogu Dhoofin laha qaar kamida  dalagyada kasoo baxa dalkeena Soomaaliya.

Kulanka dhexmaray Wasiirka Beeraha iyo Waraabka Soomaaliya Mudane Saciid Xuseen Ciid iyo dhigiisa dalka Qatar ayaa kusoo dhamaaday is afgarad , iyadoo Wasiir Ciid iyo   wafdiga lasocdana  ay ka qayb gali doonaan bandhiga Beeraha caalmiga ah ee todobaad oo lagu qaban doono magaalada  Doha ee Dalka Qatar, kaas oo ay ka qeyb geli doonaan in ka badan 51 dal.

Did you like this? Share it:

LEAVE A REPLY

Please enter your comment!
Please enter your name here