Wasiirka caafimaadka dalka Ingiriiska oo laga helay xanuunka Karoona feyrus

Wasiirka caafimaadka ee dalka Ingiriiska, Nadine Dorries ayaa sheegtay in laga helay xanuunka karoona, cudurkaasi oo haatan laga daweynayo. Ms. Dorries, oo sidoo kale ah xildhibaankii ugu horeeyay ee laga helo xanuunkaan ayaa sheegtay in ay qaaday tallaabooyinka lagama maarmaanka ah ee lagula taliyay, gurigeedana ay isku karantiishay.

Dhawaan ayaa xanuunka karoona lix qof ugu geeriyootay dalka Ingiriiska halka 382 uu haleelay xanuunkaan.

Qofkii ugu dambeeyay ee u dhinta xanuunka corona ayaa ahaa oday 80 sano jir ah oo markiisi horeba dhul yaal ahaa.

Hay’adda caafimaadka ee Ingiriiska ayaa sheegtay in ay sare u qaadeyso heerka baaritanaada xanuunka karoona, maadaama ay sare u kacayaan dadka uu ku dhacayo caabuqaas.

Wasaaradda caafimaadka ee ay hogaamiso waxaa ay xaqiijisay in todobaadkii lasoo dhaafay laga helay astaamaha xanuunka, xilligaas oo ay booqatay aqalka looga arrimiyo dalka Ingiriiska ee Downing Street, waxaana halkaas ay kula kulantay ra’iisul wasaaraha Britain, Boris Johnson.

Ilaa iyo hadda lama oga in xanunkaas uu ku dhacay ra’iisul wasaaraha iyo inkale iyo in laga baaray.

LEAVE A REPLY

Please enter your comment!
Please enter your name here