MUUQAAL-Wasiirka Caafimaadka “Dhaawacyada aan dalka wax looga qaban karin caafimaad dibadda ah ayaan u qaadeynaa”

1519

Wasiirka caafimaadka ee Xukuumadda Soomaaliya Xaawo Maxamed Xasan oo maanta booqatay dhaawacyada dadkii ku waxyeeloobay qarixii argagixisanimo ee shalay ka dhacay Muqdisho ayaa sheegtay in dhaawacyada gudaha dalka aan wax looga qaban karin loo qaadi doono caafimaad dibadda ah.

Wasiirka Caafimaadka iyo xubnaha la socday ayaa ujeedka booqashadooda la xiriirtay sidii ay ugu kuurgali lahaayeen xaaladda caafimaad dadkii shalay ku dhaawacmay qaraxii Central Hotel ee degmada Xamarweyne, waxaana ay tegeen Isbitaallada Daaru-shifa, Recep Tayyip Erdoğan iyo Madiina oo ay ku jiraan dadkii ay waxyeelada ka soo gaartay weerarkii shalay, iyadoo warbixinno ka dhageysatay mas’uuliyiinta isbitaalada ay booqatay.

Mas’uuliyiinta ayaa waxa ay mid mid u gacan qaadeen bukaanada, iyagoo xog wareysi la yeeshay, si kuwa aan dalka wax looga qaban karin caafimaad dibada ah loogu qaado.

Wasiirka Wasaaradda Caafimaadka ee Xukuumadda Soomaaliya Xaamo Maxamed Xasan oo la hadashay booqashada kaddib Warbaahinta Qaranka ayaa ugu horeyn ka tacsiyadeysay dadkii shalay ku dhintay qaraxii ka dhacay Muqdisho, iyadoo kuwa dhaawac ahna Alle uga bariday in uu bogsiiyo.

“Maanta waxaan soo booqanay dhaawacyadii shalay oo la geeyay ilaa iyo saddex isbitaal, waxaan aragnay kuwa dhaawacyo fudud iyo kuwa kale oo daran oo u baahan in caafimaad dibadda ah in loo qaado, marka waxaan qorsheynaynaa in aan dibadda u qaadno ilaa iyo 10 qof oo xaaladooda aan halkan wax looga qaban karin, booqashadeenuna waan joogteyneynaa si aan u ogaano haddii ay jiraan kuwa kale oo u baahan caafimaad dibada ah”. ayay tiri Wasiirka Wasaaradda Caafimaadka.

Did you like this? Share it:

1 COMMENT

  1. waxaan halkaan tacsi uga dirayaa masuuliyiintii iyo shacabkii ku dhintay qaraxii naxariisdarada ahaa ee ay ka dambeeyeen kooxda dhiigcabayaasha ah ee aan meel iyo magac ku laheyn diinteena iyo shacabkeena toona,waxaan kaloo illaaheey u baryayaa intii ku dhaawacantay inoow caafimaad degdeg ah siiyo.
    waxaa noo muuqata in kooxdaani ay caadadeeda tahay dhiig daadinta ummadeena waxaa kaloo aan shaki ku jirin in koox yaroo soomaaliyo ka dhalatay ay arrintaani ka weyntahay laakiin la adeegsanaayo dhalinyaro aan diin iyo wadaninimo toona waxba ka aqoon.
    waxaa kaloo jirto in wadankeenu yahay wadan iska furan oo ay joogaan ciidamo shisheeye safaarado wadamadoodu caan ku yihiin
    masaa.ibka iyo qalalaas abuurida iyo waliba dad soomaali ka mid ah oo shisheeyuhu ku shaqyeysto oo damiir beelay sidaas darteed waxaa waajib ah in dadaalka la labalaabo iyadoo dowladu ay adeegsaneyso wadooyin kala duwan oo weliba aad loo laba jibaaro sirdoonka.
    waxaa kaloo muuqato in hoteeladu ay noqdeen bahalo gal ay ku soo dhuuntaan cadawgu waayo dhowr goor ayey hoteelada wax ka dhaceen waxaanaba dhici karto in ay shaqaalaha hoteeladu howl fududeyn sameeyaan,
    marka waa in ay dowladu hoteelada sharciyo cusub ku soo rogto sida in shuruudo ay dajiso dowladu lagu soo rogo shaqaalaha hoteelada, in qofkastoo hoteelada kireysanaayo macluumaadkiisoo dhan laga qoro oo weliba baasaboorada laga qaado illaa ow hoteelka ka baxaayo, waxaa kaloo waajib ah in waardiyaasha hoteelada ay wasaarada amnigu rajiisgareyso lana socoto dhaqdhaqaaqooda,
    waxaa kaloo waajib wadani ah in qofkastoo shacabka ahi ow iska xilsaaro garab istaaga ciidanka la dagaalaayo argagixisadaan oo shacabku fahmo cida loo dagaalaayo oo har iyo habeen loo soo jeedo ineey tahay iyaga dartood marka hadaan shacabku doorkooda qaadan waxaa cuslaanayso in si dhaqso ah loo soo afjaro cadawgaan nafla caariga ah.

    waxaan maalmahaan maqlaynay hunuhunu sheegeysa in taliyaasha amniga labadalaayo oo beelo ay dalbadeen arrintaas marka waxaan madaxweynaha ka codsaneynaa in aan marxaladaan beelo dartood wax loo badalin. hadey jirto in la dareemay in taliye meeshoow haayay owsan ka soo bixi karin amabase isaga qatar laga dareemay taasi waa waajib in la bedelo laakiin beel iyo xildhibaano dartood yaanan wax loo badalin.

    illaaheey waxaan ka dalbaneynaa inoow wadankeena balaayada nooga badbaadsho. ciidamada amniga ahna illaaheey abaalkooda jano ka dhigo.
    kama dambeynti waxaan salaan sharaf leh u dirayaa dowlada sidii sharafta laheed ee ay u maareeysay masiibadii shalay dhacday .

LEAVE A REPLY

Please enter your comment!
Please enter your name here