Wasiirka Caafimaadka Galmudug oo mashruuc cafimaad oo bilaash ah ka daahfuray deegaano hoostago Gaalkacyo.

Mashruucaan oo ay taaba gelintiisa iska kaashadeen wasaarada caafimaadka Galmudug iyo Hay’adda M.S.F  Soomaaliya isla markaana mashruuc loogu talagaly bixinta caafimaadka aas aasiga oo  si lacag la’aan ah loo  gaarsiinayo bulshada ku nool deegaanka Xaarxaar oo ay ku nool yihiin kumaanaan isugu jira barakacayaal iyo danyar ayaa waxaa  si rasmi ah xariga uga jaray wasiirka Wasaarada Caafimaadka Galmudug Dr C/wali C/llaahi Jaamac iyo masuuliyiin ka socday Hay’adda MSF Soomaaliya

Munaasabada daahfurka mashruucaan oo ay goob joog ka ahaayeen masuuliyiin kala duwan oo ka tirsan bahda caafimaadka iyo  maamulka dagmada Galkacyo ee Galmudug ayaa waxaa ugu horeeyn ka hadlay ku xigeenka duqa dagmada Galkacyo injineer Maxamed Cabdi Cilmi oo xusay in mashruucaan uu yahay mid si weyn u anfacaya bulshada Soomaaliyeed ee ku nool deegaanka Xaarxaar maadama ay yihiin barakacayaal intooda badan qoysaska halkaasi ku nool.

Wasiirka Wasaarada Caafimaadka Galmudug Dr C/wali C/llaahi Jaamac ayaa isna ka hadlay ahmiyada uu mashruucaan u leeyahay bulshada ku nool deegaanka Xaarxaar  rajada ay ka qabaan daboolista baahiyada caafimaad ee ka jira deegaanka iyo daadaalka ka wasaarada ahaan ay u galeen in laga hirgaliyo deegaanka Xaarxaar.

LEAVE A REPLY

Please enter your comment!
Please enter your name here