Wasiirka caafimaadka oo deeq dawo ah ku wareejisay madaxweynaha Khaatumo-Sawirro

4337

Wasiirka wasaaradda caafimaadka xukuumadda Soomaaliya Marwo Xaawo Xasan Maxamed ayaa maanta deeq dawo ah waxaa ay ku wareejisay madaxweynaha maamulka Khaatumo Mudane Cali Khaliif Galeyr, waxaana wareejinta dawadan goob joog ka ahaa wasiir ku xigeenka caafimaadka iyo mas’uuliyiin kale.

Madaxweynaha maamulka Khaatumo Cali Khaliif Galeyr ayaa wasaaradda caafimaadka ugu mahadceliyay deeqdan dawada ah isagoo sheegay in baahi weyn loogu qabo dawadan deegaanada maamulkaasi isla markaana muddo aad u dheer ugu dambeysay goboladaasi in la gaarsiiyo wax deeq ah.

Mudane Cali Khaliif Galeyr ayaa sidoo kale sheegay in deegaanada hoos yimaada maamulkiisa ay ka jirto caafimaad daro aad u daran, waxaana mas’uuliyiinta wasaaradda u balan qaaday in dawadan sida ay tahay loo gaarsiin doono dadka loogu talagalay.

Wasiirka wasaaradda caafimaadka xukuumadda Soomaaliya Xaawo Xasan Maxamed ayaa sheegtay in deeqdan maanta lagu wareejisyay mas’uuliyiinta maamulka Khaatumo ay qeyb ka tahay dawada wasaaradda caafimaadka ay u qeybineyso gobolada dalka.

Dhinaca kale mas’uuliyiinta wasaaradda caafimaadka ayaa maanta korneerey garoonka diyaaradaha ee Aadan Cadde magaalada Muqdisho iyo dekadda weyn ee Muqdisho, wasiir ku xigeenka caafimaadka Cismaan Daalo ayaa sheegay in wasaaradu qorsheynayso sidii xarumo lagu hubiyo tayada waxyaabaha dalka la keenayo ka furi doonto goobahaasi.

Wasiirka caafimaadka xukuumadda Soomaaliya Xaawo  Xasan Maxamed ayaa tilmaantay in kormeerkan uu qeyb ka yahay qorshaha wasaaradu ay ku dooneyso in la sameeyo siyaasadii lagu hirgelin lahaa sidii shaqaalaha caafimaadka uga howlgali lahaayeen garoonka diyaaradaha iyo dekadda si ay ula socdaan tayada waxyaabaha kala duwan ee dalka la keenayo.

Marwo Xaawo wasiirka caafimaadka ayaa sidoo kale sheegtay in qalabkii ay isticmaali lahaayeen shaqaalaha ka howlgali doona garoonka iyo dekadda Muqdisho ay geba gebo u mareyso isla markaana ay la kulmeen maareeyaha iyo ku xigeenkiisa ayna u sheegeen qorshahan.

“Shaqadii aan ku hubin laheyd tayada dawooyinka iyo raashiinka iyo xitaa dadka noo imaanaya caafimaadkooda cudurada ay qabaan oo ay noo keeni karaan iyo kuweena baxaya in la talaalo si aan u qabo shaqadii caafimaad” ayay tiri wasiirka Caafimaadka.

vlcsnap-2015-07-07-14h21m37s76 vlcsnap-2015-07-07-14h21m43s137 vlcsnap-2015-07-07-14h21m49s197 vlcsnap-2015-07-07-14h21m54s238 vlcsnap-2015-07-07-14h21m58s24 vlcsnap-2015-07-07-14h22m42s209  vlcsnap-2015-07-07-14h23m14s21 vlcsnap-2015-07-07-14h23m20s80  vlcsnap-2015-07-07-14h23m37s254    vlcsnap-2015-07-07-14h24m19s156 vlcsnap-2015-07-07-14h24m29s0 vlcsnap-2015-07-07-14h25m14s198 vlcsnap-2015-07-07-14h25m28s81 vlcsnap-2015-07-07-14h26m08s227   vlcsnap-2015-07-07-14h26m43s65  vlcsnap-2015-07-07-14h27m30s14 vlcsnap-2015-07-07-14h27m36s77  vlcsnap-2015-07-07-14h28m07s128 vlcsnap-2015-07-07-14h28m12s178 vlcsnap-2015-07-07-14h28m49s37   vlcsnap-2015-07-07-14h29m42s62 vlcsnap-2015-07-07-14h29m54s181  vlcsnap-2015-07-07-14h30m14s127    vlcsnap-2015-07-07-14h30m53s5 vlcsnap-2015-07-07-14h31m21s26 vlcsnap-2015-07-07-14h31m33s142

Did you like this? Share it:

LEAVE A REPLY

Please enter your comment!
Please enter your name here