Wasiirka Caafimaadka oo kormeertay Isbitaalka Deyniile-Sawirro

1766

Kormeerka wasiirka caafimaadka iyo xildhibaanada wehliyay ay ku tageen Isbitaalka Dayniile ee gobolka Banaadir ayaa waxaa uu ahaa mid ay ugu kuurgalayeen xaalada bukaano aad u badan oo ku jira isbitaalkaasi kuwaasi oo badankoodu ah haween iyo carruur laga kala keenay gobolada dalka Soomaaliya iyo magaalada caasimada ah.

Wasiirka caafimaadka marwo Xaawa Xasan Maxamed oo ay wehlyaan xilkdhibaan Mustaf Sheekh Cali Dhuxulow iyo xildhibaan Cabdiwali Maxamed Qanyare iyo sidoo kale  gudoomiyaha haweenka Soomaaliyeed mas’uuliyiinta hay’ada gacanta ku haysa isbitaalka ee Pac ayaa waxaa ay mid mid ku kormeereen qolalka bukaanadu ku jiraan sida qaybaha jiifka ,saalada qaliinka iyo goobo kale waxaana ay xog wareysaneysay wasiiradu qaar ka mid ah bukaanada.

Kormeerka ka dib ayay warbaahinta la hadleen mas’uuliyiintu marwo Caasho Shaacuur Ugaas oo ku hadashay gudiga maamulka Isbitaalka hayo, marwo Batuulo Sheekh Axmed Gabale gudoomiyaha haweenka qaranka,iyo gudoomiyaha degmada Dayniile ayaa si wada jir ah u bogaadiyay kormeerka wasiirka iyo xildhibaanada.

“Wasiir isbitaalkaan isbitaal Dayniilaa la yiraahdaa waa isbitaal muda dheer shaqeynahayey waagii ummadda la leenahayay oo ummadda dhibaatadu ku dhacday wuxuu ahaa halkii isbitaal ee dadka lacag la’aanta ku qalayay ee aan waligi qof lacag looga qaadan, ee Kaalkaaliyiyaal 150 kor u dhaafeysa iyo dhaqaatiir 50 ah ay habeen iyo maalin u taagnaayeen  dadka Soomaaliyeed in la bad baadiyo”. waxaa sidaa yiri Caasho.

“Waxaana rajeynayaa inta Xaawa wasiirka caafimaadka tahay in gobol kasta oo Soomaaliya ka mid ah laga helo isbitaal gabdhuhu ku dhalaan oo degma walba laga helo isbitaal ay ku dhalaan oo tuula walba laga helo isbitaal ay ku dhalaan gabadhaha, waxay sharaf ku leedahay marka ay caafimaad qabto”. ayay tiri Batuulo.

Agaasimaha hay’ada PAC ee gacanta ku haysa isbitaalka Dayniile Maxamed Shafiicul Badawi ayaa waxaa uu ka hadlayaa howsha ka socota isbitaalka ee ay hay’adu hayso iyo xanuunada la daweynayo kuwooda ugu badan.

Wasiirka caafimaadka Xaawa Xasan Maxamed ayaa waxaa ay mahadnaq u jeedisay hay’ada isbitaalka gacanta ku haysa iyo dhakhaatiirta isbitaalka waxaana ay balan qaaday in wasaaradu garab taagan tahay isla markaana ay ku dadaali doonto in haweenka Soomaaliyeed ay caafimaad helaan.

“Anigoo ku hadlaya magaca Ra’iisul wasaaraha xukuumadda Jamhuuriyadda Federaalka Soomaaliya magaca xukuumada gaar ahaan wasaarada caafimaadka waxaan aad ugu faraxsanahay in aan ka soo qaybgalo ololahaan lagu daaweynayo laguna rabo in lagu ciribtiro dhibaatooyinka gabdhaha Soomaaliyeed ku dhaca markay isku furmaan oo ay dhalayaan marka waxaan rajeyneynaa in dhibaatooyinkaan runtii mardhaw aan xal u heli doono waxaan kaloo mahad u celinayaa PAC oo xil iska saaray in ay arintaan wax badan ka qabtaan”.ayay tiri wasiirka.

10 20 40 50 60 70 80 90

W/D: Axmed Cali Kaahiye

Did you like this? Share it:

LEAVE A REPLY

Please enter your comment!
Please enter your name here