Wasiirka Caafimaadka oo xilka la wareegtay

1408

Wasiirka cusub ee Wasaaradda Caafimaadka Xukuumadda Soomaaliya oo maanta si rasmi ah xilka ugala wareegtay Wasiirkii Hore ee Caafimaadka waxaana ka qeyb galay munaasabadda xilwareejinta mas’uuliyiin ka tirsan Dowladda.

wasiirkii hore ee wasaaradda Caafimaad mudane Cali maxamuud Cali Xareed oo munaasabadda ka hadlay ayaa sheegay in wasaaradda ay soo martay caqabado kala duwan islamarkaana ay soo gaartay haatan meel wanaagsan oo horay looga sii soconkaro isagoo u rajeeyay shaqo wanaag Wasiirka Cusub ee Wasaaradda Caafimaadka.

Wasiirka Cusub ee Wasaaradda Caafimaadka ee Xukuumadda Federaalka ah ee Soomaaliya Xaawo Xasan Maxamed ayaa uga mahad celisay wax qabadka wasiirkii hore iyo kaalintii uu ka qaatay Horumarinta adeegyada caafimaadka ee dalka ,iyadoo dhinaca kalena balan qaaday in wax qabad wanaagsan ay lasoo bixi doonto.

Dhammaan mas’uuliyiinta goobta ka hadlay ayaa amaanay shaqadii mudane Cali Xareed intii uu xilka wasaaradda caafimaadka hayay iyagoo ku baaqay in horay ay u sii socoto shaqada Wasaaradda Caafimaadka ay bulshada u hayso.

Did you like this? Share it:

LEAVE A REPLY

Please enter your comment!
Please enter your name here