Wasiirka Caafimaadka Soomaaliya iyo Kan Puntaland oo Beeniyay in Dhaawacyadii Gaalkacyo laga keenay lakala faquuqay” Sawirro”

2689

Wasiirka Caafimaadka  Dawladda Federaalka Soomaaliya Xaawo Xasan Maxamed  iyo Wasriika CaafimaadkPuntland Dr. Cabdinaasir Cismaan Cawke oo galabta markale booqday Cusbitalka Digfeer  isla markaasina xog-waraystay Agaasimaha Guud ee Cusbitalka iyo Dhakhtarka Qalliinka ayaa  si wada jir ah uga warbixiyey  hadallo maalman lagu buun buuninayey baraha ay bulshadu ku xiriirto.

Hadalladaas  oo ahaa in dadkii ku dhaawacmay Dagaalkii Gaalkacyo ee u dhexeeyey labada dhinac ee  Puntland iyo Galmudug dhinac kamid ah dhaawacyadoodii dibadda loo qaaday halka dhinici kalena aan dhaawacyadoodii waxba laga qaban.

Wasiirka Caafimaadka Puntland oo Subaxnimadii hore ee saaka booqday dhaawacyada jiifa cusbitaalka ayaa ku guuleystey inuu wasiirka caafimaadka Dawladda Federaalka horgeeyo Maamulka Cusbitalka iyo dhakhaatiirta ka hawl gala  oo lagu eedeeyey inaanay u hagar bixin bukaanada jiifa cusbitalka.

Kadib kulan dheer oo is xog waraysi ah oo dhexmaray labada wasiir iyo maamulka Cusbitaalka ayaa maamulka iyo dhakhaatiirtuba kubeeniyeen inaan hadalladaasi waxba kajirin isla mar ahaantaana waxay uga warbixiyeen wasiirka Caasimaadka Dowladda Dhexe iyo Wasiirka Caafimaadka Maamulka Puntaland xaaladda dhabta ah ee bukaanada jiifa Cusbitaalka.

Is xog waraysi badan kadib ayey shir jaraa’id oo ay warfidiyeenka u qabteen waxa ay ku caddeeyeen in xaaladda guud ee dhaawacyadu ay tahay mid wanaagsan isla markaasina ay hawl wadeenada cusbataalku u heelanyihiin habeen iyo maalinba sidii loo dabiibi lahaa bukaanada jiifa cusbitaalka.

Wasiirka caafimaadka Puntland ayaa meesha ka saaray hadalka oranayaa dhaawacyadii gaalkacyo ayaa lakala faquuqay waxaana uu intaasi raaciyey  labadii dhinac ee iska soo horjeedey markii hore  inay hadda meel wada jiifaan oo meel wax kuwada cunayaan.

Wasiirka Caafimaadka Dawladda Federaalka Soomaaliya ayaa dhankeeda sheegtay inay dadka soomaalida ahi isku mid yihiin isla markaasina aanay  waxba kajirin haddalan la buun-buuninayo oo tilmaamaya kala faquuq lagu sameeyey dhaawac yadii Gaalkacyo, iyadoona ugu baaqday dadka hadalladaasi faafinaya in  ay ka waantoobaan waxyaabaha kala fogeynaya ummadda soomaaliyeed.

IMG_6929 IMG_6932 IMG_6941 IMG_6949 IMG_6957 IMG_6966 IMG_6973  IMG_6979 IMG_7003 IMG_7012

 

 

 

 

Did you like this? Share it:

LEAVE A REPLY

Please enter your comment!
Please enter your name here