Wasiirka Cadaaladda oo Muqdisho ka furay shir wada-tashi ah oo looga hadlayo tacadiyada haweenka {Sawirro}

Kulankaan wada tashiga ah ee ku saabsan Fidinta adeegga cadaaladeed iyo doorka Nidaamka xeerka dhaqanka ee ka hortaga rabshadaha ka soo horjeeda xaquuqul insaanka iyo tacadiyada ka dhanka ah haweenka ayaa maanta ka furmay magaalada Muqdisho waxaa shirka garwadeen ka ah wasaaradda cadaaladda XfS waxaana  ka qayb galay xubno ka socday dowlad goboleedyada’Qareenada Jaamacadaha, Culimada ururo haween iyo dhinacyo kale.

Ugu horeyn waxaa sharaaxd ka bixiyay Muhiimadda Shirku xambaarsan yahay iyo ajandayaasha labada maalin laga doodi doono Xoghayaha Joogtada ah ee wasaaradda Cadaaladda XF Soomaaliya Dr Ismaaciil Jimcaale.

Qaar ka mid ah dadkii ka qayb galay Shirkaan ayaa dood kulul ka dhiibtay habka ugu wanaagsan ee loo wajahayo ka hortaga tacadiyada Kufsigu ka mid yahay ee haweenka lagula kaco.

Xeer Ilaaliyaha Guud ee Qaranka Dr Axmed Cali daahir oo ka hadlay kulankaa ayaa sheegay in xafiiskiisu si adag uga shaqeynayo sidii looga hortagi lahaa tacadiyada haweenka isla markaana meel wanaagsan uu hadda marayo.

Wasiirka cadaaladda XF Soomaaliya Xasan Xuseen Xaaji oo si rasmi ah u furay Shirka wada tashiga ah ayaa sheegayin siyaasada wasaaradda iyo guud ahaan dowladda ay tahay in meel looga soo wada jeesto tacadiyada ka dhanka ah haweenka iyo guud ahaan mawaadiniinta Soomaaliya.

“Siyaasada wasaaradda waxaa ay tahay in meel looga soo wada jeesto arinkaan tacadiyada haweenka waxaa la idinka rabaa inaad si aad ah uga doodaan arinkaa isla markaana ka soo saartaan go’aano rasmi ah oo lagu daro sharciga”ayuu yiri wasiirka.

By Axmed Cali Kaahiye

Did you like this? Share it:

LEAVE A REPLY

Please enter your comment!
Please enter your name here