Wasiirka Cadaaladda oo Muqdisho ka furay Shirka joogta ah ee Looga hadlo tayeynta talinta sharciga

Wasaaradda Cadaaladda & Arrimaha Garsoorka Xukuumadda Federaalka Soomaaliya ayaa Muqdisho ku qabatay shirka billaha ah ee ay isugu yimaadaan Bahda Cadaaladda Soomaaliya ee heer federal iyo heer Dowlad-goboleed, Xafiisyada Madaxweynaha Iyo Ra’isul wasaaraha’ Wasaarada Qorsheynta iyo Hay’aha Caalamiga ah ee Dowladda Soomaaliyeed ka taageera tayeynta Hay’adaha Cadaaladda.

 

Shirka waxaa lagu soo bandhigay adeegyada muhiimka ah ee lagaarsiiyey bulshada Soomaaliyeed ayadoo ay dhamaan wasaaradaha Cadaaladda ay soo bandhigeen wax-qabadkii bilaha hore ee sanadka 2019. Shirka waxaa wada-shirgudoominayey Wasiirka Cadaaladda XFS Abukaato Xasan Xuseen Xaaji iyo safiirada Nederland  iyo EU.

Dhinaca kale Wasaaradda Cadaaladda & Arrimaha Garsoorka XFS ayaa soo agaasintay shirka lagu ansixiyo mashaariicda laxirirta Cadaaladda iyo Asluubta ee lagu taageero Dowladda Soomaaliyeed (programme steering committee) waxaana lagu soo bandhigay shirka barnaaminyada mudnaanta gaarka ah u leh Dowladda Soomaaliyeed ee laxiriira Cadaaladda iyo Asluubta.

Shirka waxaa la isku raacay in si electronic ah lagu ansixiyo barnaamijka Asluubta oo ay soo gudbiyeen Hay’adda UNODC, iyadoo hoosta laga xariiqay in la dar-dar galiyo howlaha socda ee qorshaha sanaka 2019.

Wasiirka Cadaaladda XFS Abuukaate Xasan Xuseen Xaaji oo labada shirba guddoomiyay ayaa ka hadlay  waxaana uu sharaxay muhiimada xogta la isku weydaarsaday isu imaatinka.

Shirka xiga ayaa lagu balamay in la iskugu yimaado bartamaha Bisha June 2019.

LEAVE A REPLY

Please enter your comment!
Please enter your name here