Wasiirka cadaaladda oo tababar u furay waakiillo ka socday bahda cadaaladda dalka

Tabbabarkaan oo ku saabsan Hindise sharciyeedka Kaalmada sharciga ayaa maanta waxaa uu ka furmay magaalada Muqdisho, waxaana furay Wasiirka Cadaaladda iyo Garsoorka dalka Abuu-kaate Xasan Xuseen Xaaji, iyadoo ay ka qayb galeen wakiilo ka socda hay’adaha cadaaladda dowladda dhexe iyo dowlad goboleedyada, xafiiska xeer ilaalinta guud ee Qaranka, ururada bixiya kaalmo sharciyeedka iyo qaar ka mid ah Jaamacadaha.

 

Tabbabarka oo socon doona labo maalin ayaa waxaa diiradda lagu saari doonaa Hindise sharciyeedka Kaalmo Sharciyeedka dalka oo dhawaanahaanba diyaarintiisa ay ku howlaneed Wasaaradda Cadaaladda Xukuumadda Federaalka Soomaaliya, iyadoo diyaarinta sharcigaan Wasaaraddu ay la kaashatay Qubaro caalami ah.

Abuukaate Xasan Xuseen Xaaji oo furay tababarkaan ayaa kula dar daarmay ka qayb galayaasha inay si fiican u daraaseeyaan Hindise sharciyeedkaan oo muhiimad weyn uleh dalka iyo dadka Soomaaliyeed.

“Hindise sharciyeedkaan waa xeer muhiim ah, waxaan diyaraintiisa la kaashanay Qubaro Caalami ah, waxaa la idinka rabaa inaad ka doodaan daraasad ku sameysaan muhiimadda waxay tahay mawaadiniinta Soomaaliyeed dowladda xaq ma ugu leeyihiin dowladda Kaalmo sharciyeed dabcan waa haa”ayuu yiri Wasiirka Xasan.

Wasiirka ayaa xusay in Wasaaradda ay ku howlan tahay dhowr Hindise sharciyeed oo muhiim u ah Garsoorka dalka, isla markaana ay ka go’antahay in la soo gaba gabeeyo sida ugu dhaw.

 

LEAVE A REPLY

Please enter your comment!
Please enter your name here