Wasiirka Cadaaladda Soomaaliya oo bulshada Waajid ka dhagaystay baahiyaha ay qabaan “SAWIRRO “

Wasiirka Cadaaladda Xukuumadda Federaalka Soomaaliya ayaa magaalada Waajid maanta kulan kula qaatay qaar ka mid ah waxgaradka, isaga oo ka dhagaystay dhibaatooyinka ay argagixisada ku hayaan Bulshada, taas oo isugu jirta in gabi ahaanba ay gadiidka Xamuulka ah u diideen inay Waajid u gudbaan si ay u geeyaan raashinka iyo alaabaha ay u wadaan ganacsatada iyo shacabka  Magaalada oo ay ku go’doomiyeen.

Odayaasha dhaqanka ayaa Wasiirka u sheegay in dowladda Soomaaliya iyo maamulka koofur galbeed ay Mas’uuliyad ka saaran tahay Amniga iyo nolosha Bulshada Waajid dagan, iyaga oo soo jeediyey in si deg-deg ah looga dulqaado Maleeshiyaadka iyo horjoogayasha nolosha iyo hurumarka u diidan.

Wasiirka Cadaaladda Xukuumadda Federaalka Soomaaliya Mudane Cabdiqaadir Maxamed Nuur ayaa balanqaaday in howlgallo lagu furayo Waddooyinka Waajid ay qaadi doonaan ciidanka Xoogga Dalka Soomaaliyeed   si looga dulqaado Argagixisada mudadda ka badan 10 sano go’doonka ku haya degmada Waajid ee Gobolka Bakool waddooyinka soogala .

Ugu dambayntii odayaasha dhaqanka oo  la kulmay Wasiirka Cadaaladda waxay ka codsadeen in  degmada Waajid laga hirgaliyo isbitaal u adeego shacabka danta yar oo lacag la’aan ah.

LEAVE A REPLY

Please enter your comment!
Please enter your name here