Wasiirka Dastuurka oo la kulmay Madaxweynaha Maamulka KMG ah ee Jubbaland

0
1838

Wafdi uu hogaaminayay Wasiirka dastuurka ee Xukuumadda Federaalka ah ee Soomaaliya Mudane Xuseen Maxamuud Sheekh Xuseen oo gaaray magaalada Kismayo ee xarunta Gobolka Jubbada Hoose ayaa kulan la qaatay Madaxweynaha maamulka KMG ah ee Jubbaland Axmed Maxamed Islaam.

Wasiirka iyo wafdiga la socda ayaa fariin oo ay ka sideen Ra’iisul wasaaraha Xukuumadda Federaalka ah ee Soomaaliya Mudane Cumar Cabdirashiid Gaarsiiyay, iyagoo ka wada hadlay arrimaha dastuurka ee maamulkaasi.

Wafdiga Wasiirka Dastuurka iyo Madaxweynaha KMG ah ee maamulka Jubbaland ayaa isku afgartay in uu soo magacaabo guddi wada xaajood la gala Guddiga heerka Wasiir ee uu Ra’iisul wasaare Cumar Cabdirashiid magacaabay, si ay uga wada hadlaan tabashada ay qabaan Maamulka KMG ah ee Jubaland, isla markaana la dar dargeliyo arrimaha hiigsiga 2016-ka.

Mudane Xuseen Maxamuud Sheekh Xuseen iyo wafdi la socda ayaa ka qeyb galay kulanka kaddib munaasabad lagu maamuusayay dastuurka qabyo qoraal ah ee Maamulka KMG ah ee Jubbaland oo ay ergo ka kala socotay Gobollada Jubbooyinka iyo Gedo ay meel mariyeen.

 

 

 

Did you like this? Share it:

LEAVE A REPLY

Please enter your comment!
Please enter your name here