Wasiirka dhalinyarada iyo ciyaaraha XFS oo Garowe ka furtay shirweyne wadatashi ah-Sawirro

2366

Marwo Khadiijo Max’ed Diiriye wasiirka dhalinyarada iyo ciyaaraha Dowladda Soomaaliya ayaa Shir weynahan 4 aad  ee qorshe howleedka mideysan ee wasaaradaha dhalinyarada Xukuumadda Federaalka Soomaaliya iyo kuwa maamul goboleedyada maanta ka furtay magaalada Garoowe ee xatunta maamulka Puntland.

Siihayaha wasiirka shaqada, shaqaalaha ,dhallinyarada iyo ciyaaraha Puntland C/raxmaan Sheekh Axmed oo shirka kahadlay  waxa uu sheegay in kulankaani muhiim u yahay wada shaqaynta taaba galinta iyo Horumarinta dhallinyarada Soomaaliyed.

Wasiirka Dallinyarada iyo ciyaaraha ee Koonfur galbeed,wasiir ku xigeenada Hirshabeele iyo jabbaland iyo Agaasimaha Guud ee dhallinyarada iyo ciyaaraha ee Galmudug waxay isla raaceen Muhiimada ay leedahay Midaynta dhallinyarada Soomaaliyeed iyo hagisteedu.

Khadiijo Maxamed Diiriye wasiirka dhallinyarada iyo ciyaaraha Dowlada Federalka ah ee Soomaaliya waxay dardaaran dheer oo dhinacyo badan taabanaya u jediysay mas’uuliyiintan ka socotay bahda dhallinyarada iyo ciyaaraha ee Maamul gobaleedyada dalka.

Wasiirka ayaa sidoo kale  ku Booriysay wasaaradaha dhalinyarada dowlada goboleedyada ka qeyb qaadashada horumarinta qorshe howleedka mideysata wasaarahaasi, islamarkaana la heli wadiiqooyin sahlaya in dhalinyarada laga wacyigeliyo fekradaha qaldan laguna hago wadada horumarka dalka.

Gabagabada shirkan ayaa lagu wadaa in lag soo saaro qorshe cad oo lagu horumarinayo mideynta qorshe howleedka wasaaradaha dhalinyarada Dowladda Soomaaliya iyo dowlada goboleedyada.

SONNA NEWS

Did you like this? Share it:

LEAVE A REPLY

Please enter your comment!
Please enter your name here