Wasiirka dhalinyarada Soomaaliya oo hambalyada maalinta dhalinyarada 15_ka May u diray dhalinta Soomaaliyeed

0
1701

Maxamed C/laahi Xassan Nuur oo ah wasiirka dhalinyarada iyo cayaaraha Soomaaliya ayaa maanta hambalyo u diray dhalinyarada Soomaaliyeed taasoo ku aadan maalinta dhalinyarada Soomaaliyeed 15ka May oo maalinta beri ah ku beegan.

Wasiirka ayaa sheegay in maalinta berito ah ay tahay maalin ku weyn ummadda Soomaaliyeed maadaama ay tahay maalinta dhalinta Soomaaliyeed oo lagu xusuusto taariikhdii 13 kii dhalinyaro ee SYL taariikhdii ay dalkeena ka sameeyeen intii lagu gudo jiray gobonimo doonka ummadda Soomaaliyeed.

Waxa uu wasiirku sheegay in munaasabado waaweyn oo loogu dabaal degayo maalintaasi lagu qaban doono dalka oo dhan si loo muujiyo taariikhda maalinkan oo ku weyn guud ahaan dadka Soomaaliyeed.

“Dhalinta Soomaaliyeed waxaa looga baahanyahay inay ka shaqeeyaan sidii ay awoodooda u muujin lahaayeen iyagoo u adeegsanaya wax ka qabashada ummada Soomaaliyeed iyo sidii loogu gurman lahaa inay ugu adeegaan dhanka wanaagsan si looga saaro dhibaatada muddada heysay ayuu yiri wasiirka dhalinyarada iyo cayaaraha Soomaaliya”

Did you like this? Share it:

LEAVE A REPLY

Please enter your comment!
Please enter your name here