Wasiirka difaaca oo qeybaha bulshada kula kulmay Caabudwaaq “SAWIRRO”

Wasiirka Gaashaandhigga ee Xukuumadda Federaalka ah ee Soomaaliya ayaa kulan la qaatay qeybaha bulshada ee degmada Cabudwaaq kuwaasi oo kala hadlay arrimo badan, isaga oo dhinaca kale ka hadlay howllgalada ka dhanka maleeshiyada Shabaab ee ka socda qaar ka mid ah gobollada dalka.

Mudane Sheekh Cabdiqaadir Sheekh Cali Diini oo socdaal xalay ku tegay degmada Caabudwaaq ayaa qeybaha bulshada uga warbixiyay xaaladda guud ee dalka, isagoo kala hadlay inay ka shaqeeyaan xoojinta amniga iyo isdhexgalka bulshada, waxaana uu si gaar ah ula kulmay saraakiisha ciidanka booliska ee degmada ku sugan.

Wasiirka ayaa baaq u diray culimaa’udiinka Ahlusuna waljamaaca oo ku saabsan inay qeyb ka noqdaan dowlad goboleedka Galmudug, ayna waxkasta ku dhameeyaan wada hadal.

Mudane Cabdiqaadir Sheekh Cali Wasiirka difaaca ee Soomaaliya oo ka hadlayay howlgallada ka socda gobollada dalka ayaa tilmaamay in howlgalladu ay yahiin kuwa la doonayo in dalka oo dhan lagaga sifeeyo argagixisada Al-Shabaab, isla markaana dib loo soo celinayo xasiloonidii iyo kala dambeyntii dalka.

DSCN4135 DSCN4136 DSCN4138 DSCN4139 DSCN4140 DSCN4143 DSCN4144 DSCN4145  DSCN4148 DSCN4149 DSCN4150 DSCN4151

Cabdikariin Axmed Bulxan

LEAVE A REPLY

Please enter your comment!
Please enter your name here