Wasiirka Gaadiidka badda Soomaaliya oo ka qeyb galay bandhig faneed lagu qabtay Ankara “SAWIRRO”

0
2075

Wasiirka Wasaaradda Dekadaha iyo Gaadiidka Badda ee xukuumadda Federaalka Soomaaliya Mudane Nuur Faarax Xersi ayaa ka qeybgaley bandhig faneed ka dhacay Magaalada Ankara ee Wadanka Turkiga, kaasi oo ay soo qababqabisey Hay’ad wadani ah oo laga leeyahay wadankaasi

Kusimaha Safiirka ahna qusulka Safaarada Soomaaliya Mudane Xuseen ayaa sheegey in xiriirka Soomaaliya iyo Turkiga uu yahay mid soo jireen ah oo qoto dheer.

Sheekh Cabdicasiis oo ah u qaabilsanaha Safaaradda Soomaaliya ee dhaqanka iyo wax barashada ayaa waxa uu la dar dardaarmey Ardeyda Soomaaliyeed ee wax barashada ka heshey wadankan Turkiga.

Wasiirka ayaa hadalo kooban ka jeediyey xafladii bandhig faneedka oo ay fadhiyeen Madax ka tirsan dowladda Turkiga iyo marti sharaf halkaasi lagu casuumey.

“Shacabka Dalka Turkiga iyo Hogaamiyahooda Recep Tayyip Erdoğan baal dahab ah ayey uqu qoranyihiin Ummadda Soomaaliyeed, maalin ay Ummadda Soomaaliyeed ku adagtahay ay is bar bartaageen, taasi waa taariikh aan la ilaawi karin” ayuu yiri wasiirka oo hadalkiisa sii raaciyay “Ummadda Soomaaliyeed wey kala baratey cidda garab taagan iyo cidda hagar daamineysa”

Wasiirka ayaa markii uu soo idlaadey bandhig faniidka kulan kooban laqaatey qaar ka mid ah Ardeyda iyo Jaaliyadda Soomaaliyeed ee ku dhaqan wadanka Turkiga, isagoo kula dar daarmey in laga faa ideysto fursadan qaaliga ah la siiyey Soomaalida.

Wasiirka ayaa waxaa ku wehelinayey kulanka bandhig faneedka Qusulka Safaarada Soomaaliya ee Wadanka Turkey ahna ku-simaha Safiirka Mudane Xuseen Maxamed iyo Saraakiil kale ee kasocotey Safaaradda.

Bandhig faneedka ayaa waxaa ka soo qeyb galey Wadamo farabadan oo ay ugu horeeyaan Wadamada Soomaaliya, Djibouti, Kenya Ethiopia, Uganda, Sudan, Kazakhstani, Pakistan, Chad, Yemen, iyo kuwo kale oo fara badan, kuwaasi oo mid walba uu halkaasi ku soo bandhigey Hidaha iyo dhaqanka ay leeyihiin.

Dadkii isugu yimid bandhig faneedka ayaa waxay aad uga heleen Hidaha iyo dhaqanka Soomaaliyeed, ayadoo Ardeyda iyo Jaaliyadda Somaaliyeed ay halkaasi ku soo bandhigeen alaabo fara badan oo ka turjumaya Hidaha iyo dhanka Soomaaliyeed, ayadoo aaney ka marneyn cuntada Soomaalida oo markii lasoo bandhigey aad loo jecleystey.

DSCF3210 DSCF3213 DSCF3215 DSCF3216 DSCF3218 DSCF3245 DSCF3284 DSCF3285 DSCF3408 DSCF3414 DSCF3416 DSCF3426 DSCF3432 DSCF3440 DSCF3447 DSCF3571 DSCF3572 DSCF3574 DSCF3575 DSCF3576 DSCF3601 DSCF3602 DSCF3882 DSCF3883 DSCF3890

Ali Moalim Isak

Did you like this? Share it:

LEAVE A REPLY

Please enter your comment!
Please enter your name here