Wasiirka Gaashaandhiga XFS oo ka mid noqday xildhibaanada loo doortay Aqalka Sare.

Magaalada Baydhaba waxaa goordhaw ka bilaabatay doorashada seddax ka mid ah kuraasta golaha Aqalka Sare ee BFS.
Kursiga koowaad waxaa ku tartamay Xasan Xuseen Xaaji iyo Cabdiraxmaan Maxamed Cabdulaahi, waxaana ku guuleystay Xasan Xuseen Xaaji oo ah Wasiirka Gaashandhiga Soomaaliya.
Xasan Xuseen Xaaji ayaa ku soo baxay 74-cod, halka Cabdiraxmaan Maxamed Cabdulaahi oo la tartamayay uu helay 14-cod. 3-cod ayaa xumaatay, waxaana guud ahaan codeyey 91 Xildhibaan oo Baarlamaanka Koonfur Galbeed ah.