Wasiirka Gaashaandhigga oo baaq u jeediyay maleeshiyaadka ay qaldeen kooxda Shabaab

1541

Wasiirka Gaashaandhigga Soomaaliya Mudane Cabdiqaadir Sheekh Cali Diini ayaa ugu baaqay maleyshiyaadka u dagaalamaya kooxda Al-Shabaab in ay nabadda qaataan oo ay ka faa’iideestaan cafiskii uu Madaxweynaha Jamhuuriyadda Mudane Xasan Sheekh Maxamuud uu horey ugu jeediyay.

Mudane Cabdiqaadir Sheekh Cali Diini Wasiirka difaaca ee Soomaaliya oo la hadlay Radio Muqdisho ayaa tilmaamay in maleeshiyaadka ay qaldeen kooxda Shabaab ay haystaan fursad ay markale kaga faa’iideysan karaan, in ay kaga soo tegaan kooxda Shabaab, isagoo intaa ku daray in dowladda ay u fidineyso cafis, ayna u abuureyso mashaariic kala duwan.

“Waxaan dhalinyarada la qalday leeyahay haka qeyb qaateen dib u dhiska dalkooda, oo aysan ka qeyb qaadan bur burinta dalka, markasta waxa ay haystaan fursadda uu horey Madaxweynuhu siiyay, waxaan kaloo ku guubaabineynaa inay ka waan toobaan arrinkaas, shacabkana uma joogsanayaan in dalkooda la dhibaateeyo” ayuu yiri Wasiirka.

Wasiirka Difaaca ee Soomaaliya ayaa ku booriyay ciidamada xoogga dalka Soomaaliyeed inay labo jibaaraan u adeegidda bulshada, isla markaana ay ka hortagaan kuwa bulshada ku dhibaateynaya dareeska ciidanka, si loo xoojiyo wada shaqeynta ka dhexeyso shacabka iyo ciidamada oo aysan nooqn kuwa laga cararo.

Did you like this? Share it:

LEAVE A REPLY

Please enter your comment!
Please enter your name here