Wasiirka Gaashaandhigga oo bogaadiyay howlgallada ciidamada xoogga dalka ay ku baacsanayaan argagixisada Al-Shabaab

Wasiirka Wasaaradda Gaashaandhigga Xukuumadda Federaalka Soomaaliya Mudane Xasan Xuseen Xaaji oo uu wehliyo Agaasimaha Guud ee Wasaaradda Gaashaandhigga Mudane Xasan Gacaliye ayaa  warbixin la xiriirta howlgalada Ciidanka Xoogga ee Goballada Dalka, waxa uu ka dhageestay Taliye ku-xigeenka Ciidanka Xoogga Jeneraal Cabaas Amiin Cali.

Jeneraal Cabaas Amiin ayaa u sheegay Wasiirka Gaashaandhigga in ciidamada xoogga ay howlgallo  qorsheysan ka wadaan labada Shabeelle iyo qaar ka mid ah Goballada dalka, kuwasai oo jab xoogan lagu gaarsiiyay  argagixisada Al-Shabaab, isla markaana lagala wareegay deegaanno dhowr ah oo ku yaala Gobollada Shabeelaha Dhexe, Shabeelaha Hoose iyo deegaanno kale.

Wasiiirka Gaashaandhigga Soomaaliya Mudane Xasan Xuseen Xaaji ayaa  boogaadiyay guulaha Ciidanka xoogga dalka, isagoo tilmaamay in Wasaaradda Difaaca iyo Taliska Xoogga ka go’antahay in dalka laga sifeeyo argagixisada ku dhuumaleysaneysa qaar yar oo ka mid ah gobollada dalka.

LEAVE A REPLY

Please enter your comment!
Please enter your name here