Wasiirka Ganacsiga iyo wafdi uu hogaaminayo oo dalka Talyaaniga uga qeyb galay bandhig carweed “SAWIRRO”

3001

Wasiirka Ganacsiga iyo Warshadaha ee xukuumadda Soomaaliya Mudane Cabdiraxmaan Cabdi Cismaan oo ay wehliyaan Guddoomiyaha Rugta Ganacsiga Soomaaliyeed Maxamuud Cabdikariin Gabeyre iyo ku-xigeenkiisa Cabdirashiid Ceeynaanshe iyo xubno kale oo ka socday ganacstada Soomaaliyeed ayaa ka qeyb galay bandhig carweed caalami ah oo lagu qabtay magaalada Milano dalka Talyaaniga.

Bandhig carweedka Milano oo furmay 1-dii bishan ayaa socon doono 31-ka bisha October, waxaana ka qeybgalay in ka badan 145-dal, iyadoo dal waliba uu xafladda ku soo bandhigi doono awoodda xagga wax soo saarka iyo horumarka uu ka gaaray xagga teknoloojiyadda.

Ra’iisul wasaaraha Talyaaniga Matteo Renzi oo khudbad ka jeediyay furitaanka shirka ayaa uga mahadceliyay ka soo qayb galayaasha bandhig carweedka, isagoo xusay in dowladdiisu ay taageereyso sidii bulshada qaar looga samata bixin lahaa gaajada.

Wasiirka Ganacsiga iyo wafdiga uu hogaaminayo ayaa lagu wadaa in uu kulamo la qaato qaar ka mid ah Madaxda ka qeyb galaysa bandhig Carweedka caalamiga ah.

vlcsnap-2015-05-02-22h27m19s50 vlcsnap-2015-05-02-22h27m47s104 vlcsnap-2015-05-02-22h28m10s133 vlcsnap-2015-05-02-22h29m00s117 vlcsnap-2015-05-02-22h29m11s213 vlcsnap-2015-05-02-22h29m20s77 vlcsnap-2015-05-02-22h29m28s155 vlcsnap-2015-05-02-22h29m36s241 vlcsnap-2015-05-02-22h32m40s12

 

ggg IMG_5832 IMG_5838

Did you like this? Share it:

LEAVE A REPLY

Please enter your comment!
Please enter your name here