Wasiirka Ganacsiga oo ka qeyb galay xaflad Bankiga Dhexe uu shirkadda Somtel ku siinayay ruqsadda Mobile money “SAWIRRO”

Wasiirka Ganacsiga iyo Warshadaha Xukuumadda Federaalka Soomaaliya mudane Khaliif Cabdi Cumar, ayaa maanta ka qeyb-galay munaasabad Baanka Dhexe ee Soomaaliya uu shirkadda Somtel ku Guddoonsiinaayey ruqsadda Mobile Money (Licence) oo ahmiyad u leh sharciyaynta shirkadaha bixiya adeegan, xasilinta hab-maaliyadeedka waddanka iyo ilaalinta hantida macaamiisha iyo tan shirkadaha gaarka loo lee yahay.

Wasiirka oo halkaas hadal ka jeediyey, ayaa wuxu ugu horeyn boggaadiyey shirkadda la siiyey ruqsadda. Waxaana ay arrintani meesha ka saaraysaa nugaylka hannaanka maaliyadeed ee dalka, sida maal-galinta argagaxisada, lacagaha la dhaqo iyo halista ka dhalata lacagaha aan nidaamsanayn. Sidoo kale wuxu carabka ku dhuftay in uu adeegani fudududeeyo ganacsiyada yar-yar oo ah laf-dhabarta dhaqaalaha bulshada Soomaaliyeed.

LEAVE A REPLY

Please enter your comment!
Please enter your name here