Wasiirka Haweenka oo booqatay Jaamacadda SIU, Kulana La Qaadatay Gabdhaha Wax Ka barta Jaamacadaasi “DAAWO”

1
2645

Wasiirka Wasaaradda Haweenka iyo Xuquuqul insaanka xukuumadda Soomaaliya Marwo Sahro Maxamed Cali Samatar ayaa kormeer howleed ay ku tegtay Jaamacada SIU waxa ay u jeedkeedu ahaa sidii ardayda gabdhaha ee dhigata Jaamacadda kulayadaheeda kale duwan ugu dhiiri gelin lahayd doorka horumarineed ee ay ka qaadan karaan dalka, iyadoo kulan la qaadatay Hormuudka Jaamacada SIU Prof Yaxye Cali Ibraahim, waxaana intaasi kaddib ay hoolka Jaamacadda kula hadashay ardayda Jaamacadda.

Kulanka ay maanta Wasiirka Haweenka la qaadatay gabdhaha ardayda Jaamacadda SIU waxaa goob joog ka ahaa qaar ka mid ah macalimiinta iyo maamulka Jaamacadda, waxaana ay Marwo Sahro ka hadashay doorka gabdhaha waxbartay uga aadan ka qeyb qaadashada horumarka dalka.

Mid ka mid ah ardayda Jaamacadda SIU oo ku hadlaysay magaca gabdhaha ee Jaamacadda ayaa sheegtay inay aad ugu faraxsanyihiin sida ay maanta Wasiirka Wasaaradda Haweenka iyo xuquuqul insaanka u soo booqatay Jaamacadda SIU, qeybteeda ku taala KM4, waxaana ay tiri.

“Anigoo ku hadlaya magaca ardayda meeshan fadhisa, tani waa wax aan horey loo arki jirin, waan bogaadineynaa, waana ku mahadsantahay markale, waxaad tahay tii aan dowladda ka fiirsaneynay, waxaan kaloo kaaga mahadcelineynaa balanqaadyadii aad noo sameysay”.

Hormuudka Jaamacadda SIU Prof Yaxye Cali Ibraahim oo goobta hadal ka jeediyay ayaa Marwo Sahro uga mahadceliyay balanqaadka ay u sameysay ardayda Jaamacadda ee ku aadan in ardayda waxbartay lagu dhiiri gelin doono deeqo waxbarasho oo ay kaga faa’iideysan karaan inay sii horumariyaan waxbarashadooda.

“Markale iyo markale arrinta aad ka dhawaajisay ee ah in ardayda laga caawiyo ee aan dhaqaalaha aaan iska dhiibi karin, la caawiyo aad ayaan u soo dhaweyneynaa, waxaan rabnaa in aan Wasiirka la wadaagno, 814 arday oo aan lacag bixin ayaa Jaamacadda dhigta, nambar nagu badan waaye, boqol jeer ayaan oga mahadcelineynaa garashadeeda qaaliga ah, dareenkeeda dadnimo iyo iyadoo ku hadlaysa magaca dowlada in la caawiyo ardayda, anaga mas’uuliyad ayaa naga saaran in agoonta iyo dadka masaakiinta ee aan waxba haysanin in aan caawino”.ayuu yiri Prof Yaxye Cali Ibraahim.

Wasiirka Wasaaradda Haweenka iyo Xuquuqul insaanka oo kulanka hadal kooban ka jeedisay ayaa tilmaantay in ay aad ugu faraxsantahay in gabdho Soomaaliyeed oo waxbartay ay kulan la qaadato, waxaana ay ku boorisay inay gacan qabtaan gabdhaha kale ee aan fursadda u helin waxbarashada.

“Anigoo idiin ka codsanaya, in  aad ka qeyb qaadataan gabadhaha kale ee aan waxbaran aan shaqo u abuurno, waxaan la’nahay dad expert ah, marka gabdhaha walaalihiina aad waxbartaan oo waqtiga ka lumay ee qaxooti ahaan u maqnaa aad caawisaan, maqsuud ayaan idinka ahay mar labaad, sii wada dhidibadan u adkeeya waxbarashadiina”.ayay tiri Marwo Sahro.

Ugu dambeyntii Wasiirka Haweenka ayaa shaacisay in ardayda waxbaraneysa lagu dhiiri gelinayo deeqo waxbarasho oo fursad siineysa inay sare u qaadaan aqoontooda waxbarasho, ayna ka Wasaarad ahaan gacan ka geysaneyso sidii ardayda kuwooda dadaalka badan u heli lahaayeen deeqo waxbarasho.

“Waxaan rabaa in aan dowlad ahaan balan qaad sameyno, qofkii waxbarashadiisa ka soo baxa, xaq waxa uu u leeyahay dadaalka siyaadada ah ee uu sameeyay inuu helo Scholar ship, wixii taasi dhiiri gelineysa in dad badan dadaal sameeyaan, hadii aad soo baxdo dabcan waa inaad heshaa scholar ship” ayay tiri Wasiirka haweenka.

IMG_1471  IMG_1474 IMG_1476 IMG_1479 IMG_1483 IMG_1485 IMG_1486 IMG_1489 IMG_1492 IMG_1496 IMG_1499 IMG_1501 IMG_1504 IMG_1509 IMG_1510 IMG_1511 IMG_1514 IMG_1515 IMG_1517 IMG_1522  IMG_1536 IMG_1542 IMG_1545 IMG_1547 IMG_1549 IMG_1553

IMG_1487IMG_1531IMG_1551IMG_1555IMG_1558

ol

Sawir Qaade:-Maxamed Macalin Xasan “White-ka”

Did you like this? Share it:

1 COMMENT

  1. ASC WR WBR RADIO MOGADISHO
    waxaan umahadcelaa SIU Numberka 814 arday
    oo free waxku barataan thnks ajir allaha idinkan siiyo

    ardayda soomaaliyed ee jaaniska u helay waxbarashadana
    waxaan leeyahay ka faaiideesta fursadda qaaliga ah ood heysataan
    wabillahi towfiiq

LEAVE A REPLY

Please enter your comment!
Please enter your name here