Wasiirka Haweenka oo kulan la qaadatay gabdhaha murashaxiinta ah “SAWIRRO”

Wasiirka Wasaaradda Haweenka iyo Horumarinta Xuquuqda Aadanaha Soomaaliya, Xaniifa Maxamed Ibraahim (Xaabsade) ayaa maanta qaabishay qaar kamid ah gabdhaha murashaxiinta ah ee u taagan kuraasta labada aqal ee baarlamaanka Jamhuuriyadda Federaalka Soomaaliya.

Kulanka dhex maray Wasiirka iyo murashaxiinta ayaa looga hadlay sidii la isaga kaashan lahaa wax ka qabashada caqabadaha ka hor imaan kara, gabdhaha doonaya in ay u tartamaan kuraasta baarlamaanka Soomaaliya.

Wasiir Xaniifa, ayaa gabdhaha murashaxiinta ah la wadaagtay qorshaha uga degsan xaqiijinta qoonddada haweenka ee 30%.