Wasiirka Haweenke Ee Maamulka Koonfur Galbeed Oo Gaartay Gaalkacyo “Sawirro”

3202

Wasiirka wasaaradda haweenka maamulka Koonfur galbeed  Soomaaliya Faadumo Cumar Abuu oo ay wehliyaan wasiir ku xigeenka wasaaradaasi Binti Ibraahim Cali iyo la taliyaha wasaaradaasi Maryan Maxamed Nuur ayaa maanta  gaaray Magaalada Gaalkacyo ee xarunta Gobolka Mudug.

Wafdigani ayaa markii ay gaareen magaalada Gaalkacyo waxaa garoonka diyaaradaha gaalkacyo ku soo dhaweeyay xubno ka tirsan golaha wasiirada maamulka Galmudug iyo  qaar ka mid ah bulshada ku nool magaaladaasi.

Soo dhaweyn kadib ayaa waxaa si wadajir ah saxaafada ula hadlay wasiirka wasaaradda haweenka iyo xuquuqul insaanka Galmudug Sahro Maxamed Cali iyo  xubnihii ka socday wasaaradda haweenka maamulka koonfur galbeed soomaaliya

Sahro Maxamed Cali wasiirka wasaaradda haweenka iyo xuquuqul insaanka Galmudug oo ugu horeyn la hadashay warbaahinta ayaa sheegtay in ay aad ugu faraxsan yihiin imaanshiyaha wafdigan islamarkaana ay uga mahad celinayaan aqbalaada casuumada ay ka aqbaleen waxaana ay tilmaantay in ujeedka imaanshiyahoodu uu salka ku hayo laba arimood oo ah kormeer ku aadan xaalada ay ku nool yihiin dadka barakacayaasha ee ku sugan deegaannada Galmudug kuwaasi oo intooda badan ah dad  ka soo barakacay Gobolada koonfureed ee Dalka iyo sidii looga wada shaqeyn lahaa ilaalinta xuquuqul insaanka

Wasiirka wasaaradda haweenka maamulka Koonfur galbeed ee Soomaaliya Faadumo Cumar Abuu ayaa iyana waxa ay sheegtay in ay aad ugu faraxsan yihiin in ay soo gaaraan magaalada Gaalkacyo islamarkaana ay uga Mahad celinayaan wasiirada haweenka Galmudug casuumada ay u fidisay Mahad celin ka dib waxay ay faah faahin ka bixisay u jeedka socdaalkooda kaasi oo ay ku sheegtay hadafka ugu weyn inuu yahay in ay kala qeyb galaan munaasabad lagu dhagax dhigayo xarun cusub oo loo dhisayo wasaaarada haweenka Galmudug

Wafdiga wasaaradda haweenka maamulka Koonfur galbeed ee Soomaaliya ayaa  inta ay ku sugan yihiin gaalkacyo  booqan doonaan xeryaha barakacayaasha ee magaalada Gaalkacyo.

B C D E vlcsnap-2015-05-23-18h05m48s236 vlcsnap-2015-05-23-18h05m58s101  vlcsnap-2015-05-23-18h06m58s188 vlcsnap-2015-05-23-18h07m44s150 vlcsnap-2015-05-23-18h08m05s113 vlcsnap-2015-05-23-18h08m18s219 vlcsnap-2015-05-23-18h08m59s140 vlcsnap-2015-05-23-18h08m59s140_1 vlcsnap-2015-05-23-18h10m35s81 vlcsnap-2015-05-23-18h11m31s59  vlcsnap-2015-05-23-18h12m03s182 vlcsnap-2015-05-23-18h12m19s91 vlcsnap-2015-05-23-18h12m34s246

Sawir Qaade:- C/risaaq Maxamed Axmed Galkacyo

Did you like this? Share it:

LEAVE A REPLY

Please enter your comment!
Please enter your name here