Wasiirka iyo Wasiir ku xigeenka Warfaafinta oo la kulmay Shaqaalaha Wasaaradda “SAWIRRO”

Wasiirka cusub ee wasaaradda Warfaafinta ee xukuumadda Mudane Daahir Maxamuud Geelle iyo wasiir ku xigeenka Wasaaradda Warfaafinta Mudane Xildhibaan Aadan Isaaq ayaa maanta kulan la qaatay Shaqaalaha wasaaradda Warfaafinta dhaqanka iyo dalxiiska.

Kulankaan oo ahaa mid isbarsho ah oo shaqaalaha Wasaaradda Warfaafinta iyo Madaxda cusub ay isku baranayeen ayaa ugu horayn waxaa ka hadlay Agaasimaha waaxda Shaqaalaha iyo Tababarrada Mudane C/rixiin Ciisow Caddow isagoo wasiiradda u sharaxay tirada shaqaalaha wasaaradda iyo waaxyaha kala duwan oo ay ka shaqeeyaan.

Wasiirka ku xigeenka wasaaradda Mudane Aadan Isaaq ayaa uga mahadceliyey shaqaalaha soo dhoweynta diirran ee ay u sameeyeen iyo howsha culus oo ay u haayaan dalka iyo dadka Soomaaliyeed.

Mudane Daahir Maxamuud Geelle Wasiirka Wasaaradda Warfaafinta ayaa sheegay in wasaaraddu ay ku shaqayn doonto  Laba Tiir oo udub dhexaad u ah guusha Qarannimada Soomaaliya.

“Labada arrimmood ee aan xoogga saari doonnaa ayaa kala ah sidii aan uga shaqeyn lahayn nabaddeynta iyo kor u qaadidda aragtida dowaldda ee nabad ku wada noolaanshaha dalka, halka Tiirka labaadna uu yahay in ay is akhbalaan bulshada Soomaaliyeed, taas oo fure weyn u ah mideynta shacabka Jamhuuriyadda”, ayuu yiri wasiirka warfaafinta.

Shaqaalaha ayaa lagula dardaarmay in ay dhowraan ammaannada ay Qaranka u hayaan, isla markaana  hoggaanka cusub ee wasaaradda uu la imaan doonaan isla xisaabtan ku saleysan caddaalad iyo hufnaan.

Ugu dambeyn wasiirka oo ay su’aallo weydiiyeen qaar ka mid ah shaqaalaha ayaa ballan-qaaday in ay u istaagi doonaan sidii loo horumarinta lahaa Warbaahinta, kaabeyaasha wasaaradda farriinta shaqaalahana uu gaarsiin doonnaa madaxda sare ee dalka.

S/Q Maxamed Feereysane

Did you like this? Share it:

LEAVE A REPLY

Please enter your comment!
Please enter your name here