Wasiirka maaliyadda oo kormeerey fudadaha Dekada iyo Garoonka Diyaaradaha Muqdisho +Sawirro

Si kor loogu qaado, howlaha canshuur qaadista oo saldhig u ah koror dakhliga gudahaa dalka ayaa wasiirka Maaliya Dowladda federaalka Soomaaliya Dr. Cabdiraxmaan Ducaale Beyle, waxaa uu kormeer ku tagaya  Kastamyada canshuuraha Dekadda iyo Garoonka diyaaradaha magaalaada Muqdisho oo ah ilaha ugu waa weyn ee dhaqaalaha Dowladda Soomaaliya.

 

Wasiirka Maaliayada ayaa ku hormaray Kastamka canshuuraha Garoonka Muqdisho halkaas oo ay ka socotay howlaha canshuur qaadista guud si gaar ayaa tagay halka lagu qaado canshuuraha qaadka isago oo xog waraystay howla wadeenada ka shaqeeya.

Mudane Cabdiraxmaan Beyle, Wasiirka Maaliyada Soomaaliya  oo sii waday kormeerkiisa ayaa ka dib garoonka diyaaradaha  waxa uu tagay  dekada Muqdisho oo uu ka jirey mashquul badan.

Madaxda kastamka canshuuraha dekadda Muqdisho ayaa warbixin ka siiyay wasiirka waxqabadka kastamka ee sandkii tagay ee 2018 iyo filasha sanadkaan 2019 waxaana ay u sheegeen wasiirka in bilba bisha ka dambeysa uu dakhligu kordhayo.

Wasiirka maaliyadda ayaa kula dardaarmay madaxda iyo howl wadeenada kastamka dekada inay dardar galiyaan howlaha canshuur qaadista oo laf dhabar u ah sidii dalka u gaari lahaa isku filnaan  dhaqaale iyo in howlwadeena ku shaqeeyaan hufnaan.

Tan iyo bishii June ee bartamaha sanadkii tagay  ee 2018, dakhliga dalka waxaa ku kordhayay bil walba in ka badan 2.3 milyan oo doolar, taas oo ku timid dadaalada dardar galineed oo ku adan qaadista canshuuraha.

Cabdishakuur Cali Axmed

Did you like this? Share it:

LEAVE A REPLY

Please enter your comment!
Please enter your name here