Wasiirka Maaliyadda oo shir muhim ah aaladda fogaan aragga uga qeyb galay “SAWIRRO”

Wasiirka Maaliyadda Xukumadda Soomaaliya Dr. Cabdiraxman Ducaale Beyle ayaa galabta ka qeybgalay shir aan caadi aheyn oo ay isugu yimaadeen madaxda sare ee Bangiga Horumarinta Afrika (AfDB) kaas oo looga arrinsaday howlaha horumarinta Bangiga.

Wasiirka Maaliyadda ayaa sheegay in uu Madaxda Bangiga kala hadlay arimo ay ka midyihiin sidii ay uga qeyb qaadan lahaayeen caawinta Abaaraha ka jira Soomaaliya.

“Maanta waxa aan ka qeyb galay shirka 7aad ee aan caadiga aheyn ee Bangiga Horumarinta Afrika (AfDB) kaasoo ahaa hab Videoconference. Waxa aan ka doodnay Qorshayaasha iyo Shaqooyinka Bangiga xili dunidu si wadajir ah ugu jirto la dagaalanka Covid-19”.ayuu yiri Wasiirka Maaliyadda Soomaaliya.

Wasiir Beyle ayaa yiri “AFDB oo ah saaxiib muhiim ah, waxa aan si gaar ah ugu gudbiyay dhibaatooyinka ka jira Soomaaliya oo ay ka midyihiin Abaaraha iyo COVID-19”.

LEAVE A REPLY

Please enter your comment!
Please enter your name here