Wasiirka maaliyadda XFS oo kulan la yeeshay Safiirka Dowladda Turkiga “SAWIRRO”

Wasiirka maaliyadda Xukuumadda Federaalka Soomaaliya Mudane Cabdiraxmaan Ducaale Bayle ayaa kulan la yeeshay Safiirka Dowladda Turkiga Mudane Mehmet Yilmaz, waxaana ay ka wada hadleen arrimo badan oo ay kamidyihiin dhaqaalaha dalka iyo dib-u-habeynta Maaliyadda.

Wasiirka ayaa bartiisa Facebook ku daabacay qoraal ku saabsan kulanka uu la yeeshay Safiirka Dowladda Turkiga,.

“Waxa aan maanta kulan muhiim ah la qaatay Safiirka Dowladda aan walaalaha nahay ee Turkiga Mudane Mehmet Yilmaz.

Waxa aan ka wadahadlanay dhaqaalaha dalka iyo dib-u-habeynta Maaliyadda, sidookale waxa aan uga mahadceliyay doorka wanaagsan ee uu ka cayaarayo horumar Soomaaliya.

Turkigu waxa uu sii xoojinayaa xiriirka Saaxiibtimada Soomaaliya, Taageeradiisa Maaliyadeed iyo Horumarinta xirfadlayaasha dalkeena”. Ayuu yiri Wasiir Bayle

Dowladda Turkiga ayaa Dowladda Soomaaliya ka taageerta dhisida ciidanka iyo Hormarka ganacsiga.

LEAVE A REPLY

Please enter your comment!
Please enter your name here