Wasiirka Shaqada oo hadalo dar daaran ah u jeediyay Shaqaalaha Wasaaradda “SAWIRRO”

Wasiirka Shaqada iyo Arrimaha Bulshada ee Xukuumadda Federaalka Soomaaliya, Mudane Cabdiwahaab Ugaas Xuseen Ugaas Khaliif ayaa maanta la kulmay inta badan howlwadeennada Wasaaradda, kaasi oo ujeeddadiisu ahayd is-barasho iyo dardargalinta howlaha shaqo ee Wasaaradda.

Kulanka waxaa goobjoog u ahaa Agaasimaha guud ee Wasaaradda, Mudane Cabdullaahi Maxamed Cali iyo agaasime waaxeedyada Wasaaradda.

“Dhammaantiin waxaan u doortay inan idin soo horfadhisto inan idin sheego muhiimadda aad dalkan u leedihiin, dhageysto aragtidiina, haddii aan hagaajinno howlaha shaqo ee ka socda hay’adaha Dalka, waxay taasi horseedaysaa in bulshada uu gaaro adeegga Dawladda.” ayuu yiri Wasiir Cabdiwahaab Ugaas Xuseen.

Wasiirka, waxaa  uu kula dardaarmay howlwadeennada Wasaaradda in sida ugu habboon ay u gutaan mas’uuliyada saaran.

“Anniga waxaa la ii dhaariyay inan Qaranka ugu adeeggo sida ugu daacadsan, haddii aan idinka la idin dhaarin, taasi ma aha mas’uuliyadiina inaan la is waydiineyn, wadajir aan u gudano waajibka na saaran.” ayuu hadalkiisa ku daray.

Wasiir Cabdiwahaab Ugaas Xuseen, ayaa tan iyo markii uu xilka la wareegay 20 bishii May ee sannadkan 2021, wuxuu xoojiyay qorshayaasha lagu horumarinayo howlaha shaqo ee Wasaaradda.

LEAVE A REPLY

Please enter your comment!
Please enter your name here