Wasiirka Shaqada oo tababar u soo xiray arday Soomaaliyeed oo ku nool dalka Uganda

Wasiirka shaqada iyo arrimaha Bulshada iyo Siihayaha Safaaradda Soomaaliya ee Uganda oo tababar u soo xiray arday Soomaaliyeed

Tababrkan oo socday muddo laba maalin ah ayaa ardayda lagu barayay sida uu ardayga wax u qori karo iyo waliba sida uu wax u curin karo, waxaana tababarkan soo qaban qaabiyay rugta qoroyaasha Soomaaliyeed ee dalkan Uganda waxaa uuna tababarkan ka dhacayay Jaamacadda Victoria.

Xiritaanka tababarkan ayaa waxaa goob joog ka ahaa Wasiirka Wasaaradda Shaqada iyo Arrimaha bulshada ee dowladda Federaalka Soomaaliya Sadiiq Warfaa iyo Siihayaha Safaaradda Soomaaliya ee Uganda mudane Cali Maxamed Maxamuud Cagabaruur.

Ugu horeyn Guddoomiyaha ruggta qorayaasha Soomaaliyeed Yuusuf Xasan Abgaalow ayaa sharaxay ujeeda tababarkan.

Dhanka kale Siihayaha Safaaradda mudane Cali Maxamed Maxamuud Cagabaruur oo ka hadlay musaabadda ayaa Wasiirka ku soo dhaweyay kulanka.

Wasiirka Shaqada iyo Arrimaha bulshada oo madasha ka hadlay ayaa rugta qorayaasha ku booriyay inay dalkeena ugu heliyaan qalinka.

Gabagabadii Xasan Cabdirisaaq oo xubin ka ah ruggta qorayaasha Soomaaliyeed ee Dalka Uganda ayaa Warbaahinta u sheegay in tababarkan uu ahmiyad weyn u leeyahay ardayda Soomaaliyeed, ayna joogteyn doonaan tababaro nuucaani oo kale ah.

 

LEAVE A REPLY

Please enter your comment!
Please enter your name here