Wasiirka Shaqada Oo Xafiiskiisa Ku Qaabilay Madaxa Cusub Ee Howlgalka Soomaaliya Ee Hay’adda Socdaalka Adduunka “SAWIRRO”

Wasiirka Shaqada iyo Arrimaha Bulshada ee Xukuumadda Federaalka Soomaaliya Mudane Sadiiq Xirsi Warfaa ayaa maanta xafiiskiisa ku qaabilay Madaxa cusub ee howlgalka Soomaaliya ee hay’adda Socdaalka adduunka ee IOM, Richard Danziger, kaasi oo booqasho ku yimid dalka.

Mudane Sadiiq Xirsi Warfaa ayaa wafiga ku soo dhaweeyay xarunta Wasaaradda, kaasi oo ay ka wada hadleen arrimo badan oo ku saabsan xaaladda dalka iyo sidii dhallinyarada loogu abuuri lahaa fursado shaqo.

“Maanta, waxaan xarunta Wasaaradda Shaqada iyo Arrimaha Bulshada XFS, ku qaabbilay Madaxa cusub ee howlgalka Soomaaliya ee hay’adda Socdaalka adduunka ee IOM, Richard Danziger oo booqashadii u horreysay noogu yimid”.ayuu yiri Wasiir Sadiiq.

Wasiirka mar uu ka hadlayay waxyaabaha ugu muhiimsan ee ay ka wada hadleen ayaa yiri “Kullanka wuxuu la xiriiray xoojinta xiriirka, Taageerrada Shaqo Abuurka Dhallinyarada iyo Muwaadiinta Soomaaliyeed ee dalka dib ugu soo laabanaya. Dowladda Soomaaliya waxaa ka go’an inay muwaadiniinta helaan hannaan u jiheynaya shaqooyin iyo taageerro la isku haleyn karo”.

LEAVE A REPLY

Please enter your comment!
Please enter your name here