Wasiirka UK ee Africa booqashadiisa Muqdisho iyo Hargeysa

1536

Wasiika UK ee Africa, Rory Stewart, ayaa booqashadii ugu horeysay ku yimid Soomaaliya isagoo booqday magaalooyinka  Mogadishu iyo Hargeisa.

U jeedada booqashada Mr Stewart ayaa aheyd u kuurgelida qodobadii ka soo baxay shirkii London May dii la soo dhaafay iyo sidii uu u kari lahaa dadaalada UK ee ku aadan arimaha bari’aadanimada, iyo mashaariicda horumarineed loo sameeyay dadka Soomaaliyeed.

Magaalada Muqdisho ayuu, Mr Stewart kula kulmay mas’uuliyiin ka tirsan dowladda Soomaaliya uu uu kamid yahay ra’iisul wasaaraha, ku xigeenkiisa, wasiirada gaashaandhigga, qorsheynta, amniga gudaha iyo xubno ka tirsan beesha caalamka iyo ururada bulshada rayidka ah.

Wasiika UK ee Africa, Rory Stewart ayaa soo dhaweeyay horumarinka ay sameysay dowladda Soomaaliya, isagoona xaqiijiyay in UK sii wadi doonto taageerada lagu horumarinayo Soomaaliya.

Madaxda dowladda Soomaaliya ee uu la kulmay ayuu kala hadlay ahmiyadda a ku fadhiso adkeynta amniga iyo la dagaalanka argagaxisada, la dagaalanka musuq maasuqa iyo in shaqooyin loo abuuro dhalinyarada.

Mr Stewart  ayaa intii uu magaalada Muqdisho ku sugnaa waxaa uu tagay xarunta isku dubaridda arimaha gargaar ee QM isagoo arkay iskaashiga ka dhexeeya ururada sama falka, Qaramada Midoobay iyo wasaaradda arimaha gargaarka ee ku aadan ka jawaabidda abaaraha.

Wasiirka UK ee Afrika ayaa sidoo kale warbixin looga siiyay £170 million oo UK ugu talagashay abaaraha iyo ka hor tagida in abaarta Soomaaliya macluul isku bedesho.

Wasiika UK ee Africa, Rory Stewart ayaa sidoo kale tagay magaalada Hargeisa, isagoo halkaas kula kulmay mas’uuliyiin ka tirsan Somaliland oo uu kala hadlay arimo ah kamid yihiin doorashada bisha November ka dhici doona maamulka Somaliland.

Magaalada Hargeisa, waxaa uu sidoo kale kulan kula yeeshay qaar kamid ah ururada bulshada rayidka ah xubno ka tirsan dowladaha hoose iyo qaar kamid ah dadkii ka faa’ideystay deeqaha waxbarasho ee UK ay siiso Soomaaliya.

Wasiirka UK ee Afrika ayaa mas’uuliyiinta Somaliland kala hadlay ahmiyadda ay leedahay in dib loo bilaabo wada hadalkii u dhexeeyay dowladda federaalka iyo Somaliland.

 

Did you like this? Share it:

LEAVE A REPLY

Please enter your comment!
Please enter your name here