Wasiirka Warfaafinta: “Ciidamadu waxa ay badbaadiyeen in ka badan 50 qof” SAWIRRO

1
2739

Wasiirka Warfaafinta ee xukuumadda Federaalka ah ee Soomaaliya Mudane Maxamed Cabdi Xayir Maareeye ayaa sheegay in ciidamada amniga ay guuleysteen inay soo badbaadiyaan in ka badan 50 qof oo isugu jiray diblomaasiyiin, ganacsato, siyaasiin, dhaqaatiir iyo shacab kale, kaddib markii ay ciidamada amniga ay soo gabo gabeeyeen howlgallo ka dhan ah weerarkii maleeshiyaadka Shabaab ay ku soo qaadeen Hotelka Maka Al-mukarama ee magaalada Muqdisho.

Wasiirka oo shir jaraa’id ku qabtay gudaha Hotelka Maka Al-mukarama ayaa tilmaamay in maleeshiyaadka argagixisada ah ay ku fashilmeen weerarkii ay ku soo qaadeen hotelka, isagoo xusay in qorshahooda uu ahaa sidii ay u xasuuqi lahaayeen dhamaanta inta ku jirtay hotelka.

“Shan ilaa iyo lix qof ayay ahaayeen oo dhabarka dambe ee Hotelka ka soo galay,  ciidamada wax fursad ah ma u siinin maleeshiyaadka Shabaabka inay dadka laayaan, waxaa la badbaadiyay in ka badan 50 qof, oo isugu jira diblomaasiyiin, ganacsato iyo tiro kale oo shacabka, ficilkaasi argagixisada waxaa ku dhintay 14 qof, oo uu ku jiro safiirkii Soomaaliya ee magaalada Geneva Danjire Bari bari” ayuu yiri Wasiirka Warfaafinta.

Wasiirka Warfaafinta Soomaaliya Mudane Maxamed Cabdi Xayir Maareeye ayaa ammaan u jeediyay ciidamada amniga ee dowladda, kuwaasi oo uu ku sheegay inay qabteen howl adag oo ay ka mira dhaliyeen tallaabadii ay qaadeen, waxaana uu shacabka ugu baaqay inay la shaqeeyaan ciidamada amniga oo si wada jir ah looga hortago ficilada argagixiso ee ay maleegayaan Ururka Gumaadka Ummadda Soomaaliyeed.

“Wixii dalka caafimaadkooda wax looga qaban waayo caafimaad dibada ah ayaan u qaadaynaa, waxaana u taaganahay sidii aan bulshada ugu adeegi lahayn, shacabka iyo ehelada waxaan uga tacsiyadeeyneynaa dadkii weerarkaasi ku dhintay” ayuu yiri Wasiirka Warfaafinta oo ay wehliyaan Wasiirka Gaashaandhigga Soomaaliya Mudane Cabdiqaadir Sheekh Cali Diini iyo mas’uuliyiin kale oo gaaray Hotelka.

Gureey Xaaji Xasan oo ah milkiilaha Hotelka Maka Al-mukarama ayaa ciidamada ammaanka uga mahadceliyay howlgalkii ay ku soo gabo gabeeyeen maleeshiyaadkii weerarka ku soo qaaday Hotelka, kuwaasi oo gabi ahaanba la laayay.

vlcsnap-2015-03-28-13h15m12s17 vlcsnap-2015-03-28-13h15m29s186 vlcsnap-2015-03-28-13h18m30s196 vlcsnap-2015-03-28-13h19m00s224 vlcsnap-2015-03-28-13h19m24s235  vlcsnap-2015-03-28-13h20m13s186  vlcsnap-2015-03-28-13h21m09s212 vlcsnap-2015-03-28-13h22m40s113 vlcsnap-2015-03-28-13h23m02s111 vlcsnap-2015-03-28-13h23m54s111 vlcsnap-2015-03-28-13h24m21s126 vlcsnap-2015-03-28-13h24m30s220  vlcsnap-2015-03-28-13h24m51s164 vlcsnap-2015-03-28-13h25m24s202 vlcsnap-2015-03-28-13h26m22s44  vlcsnap-2015-03-28-13h27m04s216

 

 

 

Did you like this? Share it:

1 COMMENT

  1. Dharka ciidanka ayaa dhibka dhigay.. waa in loo subshaa number qaas ah… iyo ID card with picture..oo sawirka iyo ID hal number .or same number.askari danbo malagu qaldaayo
    Mahad sanidiin .all radio mugdishu

LEAVE A REPLY

Please enter your comment!
Please enter your name here