Wasiirka Warfaafinta Galmudug oo kormeeray xarumaha warbaahinta magaalada Gaalkacyo

Wasiirka wasaaradda warfaafinta dhaqanka iyo dalxiiska dowlad gobaleedka Galmudug Axmed shire falagle oo ay wehliyeen   howlwadeeno Ka tirsan  wasaaradda ayaa kormeeray qaar Ka mid  ah xarumaha warbaahinta ka howl gasha magaalada Gaalkacyo.

Kormeerkaan oo ujeedkiisu ahaa u kuur galida howlaha warbaahineed iyo kaalinta ay xiligaan ay ka qaadaneyso wacyi galinada la xariira xanuunka karoona fayris ayaa intii uu wasiirku ku guda jiray waxa uu warbixino ka dhageystay qaar kamid ah Agaasimayaasha iyo howl wadeenada idaacadaha uu booqday kuwaas oo sheegay in ay wadaan barnaamijyo la xariira ka hortagga iyo faafitaanka Covid -19.

Wasiirka warfaafinta Galmudug Axmed shire falagle ayaa boggaadiyay howlaha shaqo ay bulshada u hayaan warbaahinta Gobalka, gaar ahaan kaalinta xilligaan ay ka qaadanayaan wacyi galinta bulshada iyo xoojinta nidaamka dowladnimo ee dalka.

LEAVE A REPLY

Please enter your comment!
Please enter your name here