Wasiirka Warfaafinta oo ay wehliyaan agaasimeyaal oo u ambabaxay Dalka Kuwait “SAWIRRO”

0
1554

Wasiirka Warfaafinta, dhaqanka iyo dalxiiska ee Xukuumadda Federaalka ah ee Soomaaliya Mudane Maxamed Cabdi Xayir Maareeye iyo wafdi agaasimeyaal ah oo uu hogaaminayo ayaa maanta u amba baxay dalka Kuwait halkaasi oo ay kaga qeb gali doon shir labo geesood ah oo ay yeelanayaan Wasaaradaha Warfaafinta Soomaaliya iyo Kuwait.

Wafdiga Wasiirka waxaa ka mid ah Agaasimaha Telefishinka Qaranka Mudane Cabdiraxmaan Yuusuf Sheekh Al-Cadaala, Agaasimaha Radio Muqdisho Mudane Cabdirixiin Ciise Caddow, Agaasimaha Hobolada Waaberi Mudane Maxamed Xasan Barrow iyo Madaxa Istuudiyeyaasha Telefishinka Fu’aad Muxudiin Khaliif iyo xubno kale.

Agaasimaha Telefishinka Qaranka Mudane Cabdiraxmaan Yuusuf Sheekh Al-Cadaala oo Warbaahinta Qaranka kula garoonka Caalamiga ah ee Aadan Cadde ayaa sheegay in ujeedka socdaalkooda ay la xiriirto kulan ay la yeelanayaan Madaxda Wasaaradda Warfaafinta ee dalka Kuwait, kaasi oo looga hadli doono horumarita Warbaahinta Qaranka.

Agaasimaha ayaa tilmaamay in kulanka diiradda lagu saari doono sidii loo xoojin lahaa wada shaqeynta iyo iskaashiga labada dal, gaar ahaan labada Wasaarad Warfaafin.

Wasaaradda Warfaafinta Dhaqanka iyo Dalxiiska Soomaaliya ayaa wada qorshayaal lagu horumarinayo waaxyaha Wasaaradda gaar ahaan Waaxda Warbaahinta Qaranka si ay gutaan waaajibadka saaran ee ah u adeegista Ummadda Soomaaliyeed.

 

IMG_7051 IMG_7052 IMG_7053 IMG_7059 IMG_7062 IMG_7065 IMG_7066 IMG_7068 IMG_7069 IMG_7071 IMG_7077 IMG_7080 IMG_7082

Sawir Qaade:- Maxamed Cabdulaahi Feereysane

 

Did you like this? Share it:

LEAVE A REPLY

Please enter your comment!
Please enter your name here