Wasiirka Warfaafinta Oo Furay Barnaamijka Tartan Cilmiyeedka Ramadaan Ee SNTV iyo Radio Muqdisho Ka Baxa “Dhageyso+Sawirro”

0
2066

Wasiirka Wasaaradda Warfaafinta,dhaqanka iyo dalxiiska Xukuumadda Federaalka Soomaaliya Mudane Maxamed Cabdi Xayir Maareeye  ayaa si rasmi ah Xalay u furay tartan cilmiyeedka Ramadaan oo sanad walba ay Warbaahinta Qaranka ay u qabato degmooyinka dalka, iyadoo sanadkani barnaamijka ay taaba galinayo maamulka gobolka Banaadir oo sanadkii labaad gacan ka geysanaya habsami u socodka tartanka.

Munaasabad kooban oo lagu furayey Tartan Cilmiyeedka Ramadaan ee sanadkan oo lagu qabtay Istuudiyaha Radio Muqdisho ayaa waxaa ka qeyb galay Agaasimaha Radio Muqdisho Codka Jamhuuriyadda Soomaaliya C/rixiiin Ciise Cadow,Guddoomiyaha Maamulka gobolka Banaadir Gen Xasan Maxamed Xuseen Muungaab, Wasiirka Warfaafinta Dhaqanka iyo Dalxiiska Dalka Mudane Maxamed Cabdi Xayir Maareeye, iyo xubnaha guddiga tartan cilmiyeedka Bisha barakeysan ee Ramadaan.

Furitaanka barnaamijka ayaa ugu horeyn waxaa hadal kooban ka jeediyey Guddoomiyaha guddiga Tartanka Ismaaciil Muqtaar Cumar Oronjo oo isagu sheegay in mudooyinkii ugu dambeeyay ay ku dadaalayeen sidii loo horumarin lahaa barnaamijkani uu muhiimad gaar ah u leh tartamayaasha degmooyinka dalka, waxaana uu rajeeyay in ay ka soo dhalaalaan howsha lagu aamninay.

Agaasimaha Radio Muqdisho C/rixiin Ciise Cadow ayaa tilmaamay in tartankan oo ah tartankii shanaad ee ay Radio Muqdisho Iyo SNTV  u qabato degmooyinka dalka, u jeedada laga leeyahayna ay tahay in ay isku dhaxgalaan degmooyinka dalka oo uu sheegay in sanadkani uu noqonayo kii labaad ee maamulka gobolka banaadir uu taaba galiyo,  waxaana uu u mahad celiyey Gudiga qaban qaabada tartan Cilmiyeedka Ramadaan ee Warbaahinta Qaranka.,iyo maamulka gobolka banaadir oo taabagelineya tartanka, sidoo kalena waxa uu ammaan iyo bogaadin gaar ah u jeediyey degmooyinka ka qeybgalaya tartan Cilmiyeedka Ramadaan.

Guddoomiyaha gobolka Banaadir Gen Maxamed Xasan Muungaab ayaa ku ammaanay doorka Radio Muqdisho iyo Telefishinka Qaranka sida ay ugu heelanyihiin wacyi galinta bulshada Soomaaliyeed waxaana barnaamijkani oo uu maamulka gobolka Banaadir hirgalinayo uu sheegay in muhiim uu u yahay umadda Soomaaliyeed,, waxaana ka maamul ahaan uu balanqaaday in ay garab taaganyihiin islamarkaana ay diyaar u yihiin dhiira galinta barnaamikani.

Wasiirka Wasaaradda Warfaafinta,dhaqanka iyo Dalxiiska Xukuumadda Federaalka Soomaaliya Mudane Maxamed Cabdi Xayir Maareeye oo isaguna jeediyey Khudbaddiisa furitaanka Tartan Cilmiyeedka sanadkan ayaa ugu horeyn u mahad celiyey gudiga qaban qaabada Tartan Cilmiyeedka Ramadaan ee Radio Muqdisho iyo Telefishinka Qaranka, iyo maamulka gobolka banaadir oo barnaamijka taabagelineya waxaana uu xusay Wasiirka in tartankan uu gacan weyn ka geysan dono ka sokoow is dhaxgalka bulshada Soomaaliyeed ee degmooyinka dalka ku dhaqan soo celinta Dhaqanka iyo Wadaniyadda islamarkaana fursad loo siinayo bishan barakeysan in shacabka ku dhaqan degmooyinka Dalka ay aqoon ku tartamaan, sidoo kalena waxa uu Wasiirku uu u hambalyeeyay umadda Soomaaliyeed bilashada bisha barakeysan ee Ramadaan,  isagoo ugu dambeynna ku dhawaaqay in tartanku uu si rasmi ah u furanyahay.

Tartankii ugu horeeyey ee Tartan cilmiyeedka Ramadaan ee sanadkan ayaa waxaa caawa uu dhexmarayaa oo lagu daah furay tartameyaasha degmooyinka Kaaraan vs Beledweyne oo ka kala tirsan gobollada Hiiraan iyo Banaadir.

Hoos Ka Dhageyso Barnaamijka Oo Dhameystiran

IMG_1886 IMG_1887 IMG_1889 IMG_1890 IMG_1893 IMG_1894 IMG_1895 IMG_1897 IMG_1899 IMG_1901 IMG_1904 IMG_1905 IMG_1908 IMG_1919 IMG_1921 IMG_1922 IMG_1923 IMG_1933 IMG_1936 IMG_1937 Wasiirka Warfaafinta Iyo Guddomiyaha Gobalka Banaadir Oo Si Wada Jir ah u furay Tartan Cilmiyeedka bisha Barakeysan ee Ramadaan

Did you like this? Share it:

LEAVE A REPLY

Please enter your comment!
Please enter your name here