Wasiirka Warfaafinta oo qalab Warbaahin dib ugu celiyay Idaacadaha Shabeelle iyo Sky ee Muqdisho

0
1483

Wasiirka Warfaafinta, dhaqanka iyo Dalxiiska ee Xukuumada Soomaaliya oo ay wehliyaan sarakiilka tirsan Wasaradda amniga gudaha ayaa galabta qalab Warbaahineed dib ugu celiyey Idacadaha Shabeelle iyo Sky-fm oo muddo bil ka hor ay hay’daha amniga dowladda u xireen bahinta warar amniga lidi ku ah oo ay bahiyeen, ayadoo sidoo kalena Wasiirku hambalyo ku adan 3 May oo ku began maalinta saxafadda dunida  u direy Warbahinta Soomaaliyeed.

Qalabka dib loogu celiyey Idacadaha Shabeelle iyo Skyfm oo isugu jirey Kaamirooyin, Kombiyuutero iyo Meykarafoonada codadka baahiya ayaa waxa uu Wasiirku ku wareejiyey mamulka Idacadaas, waxaana uu shaaciyay in wixii maanta ka dambeeya shaqaalaha Idacadasi howshoodi ay dib u bilaabi karaan.

Sahro Cabdullaahi Ciise iyo Amal Yuusuf Macalin oo ka mid ah howlwadeenada labada idaacadood ayaa waxa ay Wasiirka Warfafinta uga mahadceliyeen sida uu isugu taxluujiyey in ay dib u helan qalabkoodi Warbahineed, shaqadoodana ay dib ugu bilabato.

‘Waxaan ku faraxsanahey inan shaqadeeni dib u bilabano, Wasiirkana waan uga mahadcelineyna siduu isugu taxluujiyey qalabkeena inaan dib u helno, hadalka intiisa muhiimka ah Sahra ayaa soo sheegtay, marka waxaan kaaga mahadcelineynaa kaalintii aad ku lahayd in qalabkan oo dhameystiran naloo soo celiyo”

Wasiirka Warfaafinta, dhaqanka iyo dalxiiska ee Xukumadda Soomaaliya Mudane Maxamed Cabdi Xayir Maareeye ayaa tilaamay in uu aad ugu faraxsanyahay dib u howlgelinta labada Idaacadood ee muddo ka badan hal bil aan shaqeyn.

“Aad iyo aad ayaan ugu faraxsanahay in aan imaado xarunta Shabeele, anigoo u sida qalabka Idaacadaha Shabeelle iyo Sky-fm oo isku dhan, waxaa sharaf noo ah in aan alaabtooda aan dib u soo celino, isla markaana aan dib u howlgelino, waxyaalo aan dowlad ahaan u aragnay in ay dhiiri gelinayaan Kooxaha Nabad-diidka ee UGUS ay qortaan dhalinyarada naftooda haliga, dowladda siyaasaddeeeda  ee ku cad dastuurka Wabaahinta waa xur, laakiin sida dalkasta oo adduunka ah, Warbaahintu xor uma ahan inay sameyso waxyaalo wax u dhimi kara Amniga” ayuu yiri Wasiir Maareeye.

Wasiirka Warfaafinta ayaa sidoo kale hambalyo ku adan maalinta Warbahinta dunida u direy suxufiyiinta Soomaaliyeed oo ku began 3-da May ee bari,  isagoo kula dar daarmay iney ilaliyaan anshaxa saxafaadda oo aysan tabin Warar lidi ku ah amniga iyo dowladnimada.

“Dowladda ma dooneyso inay caburiso Warbaahinta xorta ah, taasna nagala shaqeeya, waxaan kaloo hambalyo iyo bogaadin u dirayaa suxufiyiinta Soomaaliyeed meelkasta oo ay dunida ka joogaan Hambalyo 3-da May, awgeed” ayuu Wasiirka Warfaafinta hadalkiisa ku daray.

Idaacadaha shabaelle iyo Sky ayaa bil ka hor waxa ayy hay’addaha amniga ee Dowladda u xireen, qalabkana kala waregeen tabinta warar amniga ka dhan ah oo ay baahiyeen, iyadoo maanta uu Wasiirku ka codsaday inay ilaalinta anshaxa saxaafadda.

Did you like this? Share it:

LEAVE A REPLY

Please enter your comment!
Please enter your name here