Wasiirka Warfaafinta Puntland iyo mas’uuliyiin kale oo booqday xarumo ku yaala Gaalkacyo “SAWIRRO”

Wasiirka Wasaaradda Warfaafinta dowlad goboleedka Puntland Cali Xasan Sabarey oo ay weheliyeen Agaasimaha Guud ee Wasaaradda Warfaafinta iyo isgaarsinta Puntland Eng Maxamed Ciise Cismaan, Duqa degmada Galkacyo iyo isuduwaha Wasaaradda Warfaafinta ee gobolka Mudug ayaa maanta kormeer ku tagay dugsiga sare ee Cumar Samatar,  garoonka kubadda Cagta iyo isbitaalka guud ee Galkacyo,

Wasiirka Warfaafinta, Agaasimaha Guud iyo mas’uuliyiinta kale ayaa waxa ay dugsiga Sare ee Cumar Samatar ku soo dhaweeyey guddoonka Waxbarashadda Gobolka Mudug ee maamulka iskoolka.

Mas’uuliyintan ayaa dhamaantoodba ardeynimadoodii wax ku soo bartay Dugsiga Sare ee Cumar Samatar wakhtiyo kala duwan, Wasiirka oo ardeyda hadal ujeediyey ayaa sheegay inuu xasuus gaara iyo taarikhba u leeyahay iskuulka Cumar Samatar isagoo kuwaaniyey inay dalka iyo diintaba wax u bartaan:

Sidoo kale Agaasimaha Guud, Duqa Degamada, Guddoonka Waxbarashadda Gobolka Mudug ee Puntland ayaa sheegay inay dugsiga sare ee Cumar Samatar ee Gaalkacyo ay wax ku soo barteen.

Wafdiga Wasiirka Warfaafinta Puntland ayaa booqday garoonka kubadda cagta ee Maxamed Cawaale ee magaalada Gaalkacyo oo dhismo aad u balaarani ka socdo gudihiisa, kaas oo la doonayo in laga dhigo garoon caadi ah, waxaana halkaas ku soo dhaweeyey guddiga dhismaha garoonka kubbadda cagta ee Cawaale Stadium waxayna mas’uuliyintas uga warbixiyeen halka uu marayo dhismaha garoonku,

Wasiirka iyo agaasimaha guud waxay sheegeen inay guddiga dhismaha garoonku shaqo wanaagsan qabteen, loona baahanyahay in la gawada qeybqaato dhameystirkiisa.

Wafdiga waxaa kaloo ay booqdeen isbitaalka Guud Galkacyo ee Gobolka Mudug, waxana halkaas ku soo dhaweeyey maamulka isbitaalka guud, iyagoo ka waramay shaqada iyo adeegyada caafimadka ee bulshada ay siiyaan, iyagoo sheegay in isbitaalka intiisa badan ay gacanta ku hayso Hay’adda MSF oo isbitaalka si weyn uga caawisa dhinacyo kale duwan.

Wasiirka agaasimaha guud iyo masuuliyiinta kaleba waxay baaq u direen dhamaan bulshada Puntland ee joogta dalka dibadiisa iyo gudihiisaba inay ka qeyb qaataan dhamaystirka dhismaha qeybaha ka haray ee isbitaalka guud ee Gaalkacyo.

LEAVE A REPLY

Please enter your comment!
Please enter your name here