Wasiirka Warfaafinta XFS oo C/fataax Jeyte u magacaabay Maareeyaha Wakaaladda Madbacadda Qaranka

Wasiirka Warfaafinta Xukuumadda Federaalka Soomaaliya mudane Maxamed Cabdi Xayir Maareeye ayaa C/fataax Daahir Jeyte u magacaabay in uu noqdo Maareeyaha Wakaaladda Madbacada Qaranka Soomaaliyeed.

Maareeye Cabdifataax Daahir jeyte ayaa bedelaya Marxuum Axmed Faarax Gaatamow oo dhawaan ku geeriyoodey magaalada Muqdisho.

Mudane Maxamed Cabdi Xayir Maareeye wasiirka Warfaafinta Dhaqanka iyo Dalxiiska Soomaaliya ayaa faray agaasimaha guud iyo agaasime waaxyeedka kale in ay la shaqeeyaan Maareeyaha cusub,si uu u guto waajibaadka shaqo ee horyaala.

C/fataax Daahir jeyte ayaa horey u soo noqday agaasimaha Radio Muqdisho, iyadoo sidoo kale wuxuu shaqooyin kale duwan uu ka soo qabtay qeybaha warbaahinta Qaranka.

LEAVE A REPLY

Please enter your comment!
Please enter your name here